मनसेच्या दीपोत्सवात उद्धव ठाकरे म्हणाले की मराठी माणसाची एकजूट…

मनसेच्या शिवाजी पार्क येथील दीपोत्सवाचे यंदा शिवसेनेचे पक्ष प्रमुख उद्धव ठाकरे यांच्या हस्ते झाले. यावेळी आपल्या धाकट्या भावाच्या या दीपोत्सव कार्यक्रमाला उद्धव ठाकरे त्यांच्या पत्नी रश्मी ठाकरे आणि खासदार संजय राऊत, खासदार अनिल देसाई आणि शिवसेनेची नेतेमंडळी आवर्जून उपस्थित होती.यावेळी उद्धव ठाकरे आणि राज ठाकरे यांनी प्रसारमाध्यमांच्या विनंतीनंतर एकत्र पोझ देत फोटोसेशन करु दिले. उद्धव ठाकरे यांनी यावेळी सर्वांना दिवाळीच्या खास शुभेच्छा दिल्या. उद्धव ठाकरे यावेळी म्हणाले की दिवाळीच्या सर्वांना शुभेच्छा आणि आजची दिवाळा ही वेगळी आहे. विशेष आहे. आणि मला खात्री आहे. मराठी माणसाची एकजूट आणि त्या एकजूटीचा प्रकाश सर्वांच्या आयुष्यामध्ये आनंद घेऊन आल्याशिवाय राहणार नाही. असेच सर्व जण आनंदात राहा, प्रकाशात राहा आणि सर्वांना आनंद देत रहा. परत एकदा सर्वांना शुभेच्छा देतो, ‘जय हिंद, जय महाराष्ट्र’ !