एमपीएससी आयोगाचे अध्यक्ष आणि विद्यार्थ्यांचं शिष्टमंडळ यांच्याच आज बैठक; शरद पवारही उपस्थित असणार

मुंबई : एमपीएससी आयोगाचे अध्यक्ष आणि विद्यार्थ्यांचं शिष्टमंडळामध्ये बैठक आज बैठक होणार आहे. या बैठकीला राष्ट्रवादी काँग्रेसचे अध्यक्ष शरद पवार उपस्थित असणार आहेत. काल शरद पवारांनी एमपीएससी आयोगाच्या अध्यक्षांशी फोनवर संवाद साधला त्यानंतर आज आता ही बैठक होणार आहे. आज सकाळी 11 वाजता मुंबईत ही बैठक होणार आहे. एमपीएससीच्या विद्यार्थ्यांनी पुण्यात आंदोलन केलं. या आंदोलक विद्यार्थ्यांना शरद पवार भेटले. त्यांनी या विद्यार्थ्यांशी संवाद साधला.यावेळी या प्रश्नांसदर्भात आपण जातीने लक्ष घालणार असल्याचं शरद पवार म्हणाले होते. त्यानंतर आता ही बैठक होतेय.