मुंबईतलं CSMT स्टेशन नवं रुप घेणार, पहा कसं असेल?

मुंबईकरांसाठी एक आनंदाची बातमी आहे. भारतातील सर्वात बिझी अशी ओळख असलेल्या सीएसटी अर्थात छत्रपती शिवाजी महाराज शिवाजी टर्मिनस (CSTM) रेल्वे स्टेशनचं रुप आता बदलणार आहे. देशातील तीन रेल्वे स्टेशनचा (Railway Station) पुनर्विकास होणार आहे. यात नवी दिल्ली (New Delhi), अहमदाबाद आणि सीएसएमटी स्टेशनचा सहभाग आहे. या तीन स्टेशनच्या पुनर्विकासासाठी केंद्र सरकारने १० हजार कोटी रुपये निधीला मंजुरी दिली आहे. केंद्रीय रेल्वे मंत्री अश्विनी कुमार वैष्णव यांनी ही माहिती दिली.  नव्या सीएसटी स्टेशनचं रुप कसं असेल याचं प्रस्तावित चित्रही मांडण्यात आलंय.