चेंबूरच्या दिशेने जाणारी मोनोरेल बंद पडली! प्रवाशांना बाहेर काढलं

मुंबईतील वडाला परिसरात आज सकाळी मोनोरेल सेवा तांत्रिक कारणामुळे विस्कळीत झाली. मुसळधार पावसामुळे लोकल ट्रेन्सही उशिराने धावत असल्याने, अनेक नागरिकांनी मोनोरेलचा पर्याय निवडला होता. तांत्रिक बिघाडाची समस्या निर्माण झाल्याने मोनोरेल एकाच ठिकाणी थांबली. अडकलेल्या प्रवाशांना अग्निशमन दलाने सुरक्षितपणे बाहेर काढले. या घटनेमुळे प्रवाशांना मोठा त्रास झाला. मोनोरेलच्या वारंवार होणाऱ्या तांत्रिक समस्यांमुळे नागरिकांमध्ये असंतोष आहे आणि प्रशासनाकडून या समस्येचे त्वरित निराकरण करण्याची मागणी केली जात आहे.