Rohit Pawar Tweet | DGCA चा प्राथमिक अहवाल तत्काळ जाहीर करा, रोहित पवारांची मागणी

राज्याचे माजी उपमुख्यमंत्री अजित पवार यांचा विमान अपघात घडून आज 20 दिवस पूर्ण झाले आहेत. या पार्श्वभूमीवर शरद पवार गटाचे नेते रोहित पवार यांनी विमान अपघाताची प्राथमिक चौकशी लवकरात लवकर पूर्ण करण्याची मागणी केली आहे. रोहित पवार म्हणाले की, VSR कंपनीवर अद्याप योग्य ती कारवाई झालेली नाही. “सर्व नियमांचे उल्लंघन करून विमान चालवणाऱ्या VSR कंपनीवर योग्य ती कारवाई करण्यात यावी,” अशी मागणी त्यांनी केली. अपघाताच्या पार्श्वभूमीवर नागरिकांमध्ये आणि राजकीय वर्तुळात शंका अधिक बळावत आहेत, म्हणूनच DGCA ने त्वरित प्राथमिक चौकशी अहवाल द्यावा, असे ट्विटमध्ये रोहित पवार यांनी म्हटले आहे. राज्यातील विमान सुरक्षा आणि नियमांचे पालन याकडे लक्ष देण्यासाठी ही मागणी महत्त्वाची मानली जात आहे. तसेच, या प्रकरणातील निष्पक्ष चौकशी करणे आवश्यक असल्याचे देखील रोहित पवार यांनी अधोरेखित केले.