बापरे! NEET पेपरफुटीत हे काय घडलं? मॅडमने भलतंच केलं, ॲडमिशन करून देते म्हणत चक्क…
नीट-यूजी 2026 पेपरफुटी प्रकरणात दररोज नवे धक्कादायक खुलासे समोर येत आहेत. या प्रकरणात सीबीआयने अटक केलेल्या मनीषा गुरुनाथ मंधारे यांच्याबाबत आता आणखी गंभीर आरोप करण्यात आले आहेत. मनीषा मंधारे या पुण्यातील वरिष्ठ प्राध्यापिका असून त्या नॅशनल टेस्टिंग एजन्सीच्या (NTA) तज्ज्ञ पॅनेलमध्ये कार्यरत होत्या. त्यामुळे त्यांना नीट परीक्षेच्या प्रश्नपत्रिकांपर्यंत थेट प्रवेश होता. या पदाचा गैरफायदा घेत त्यांनी पेपरफुटी रॅकेटमध्ये सहभाग घेतल्याचा आरोप आहे.
नीट पेपरफुटी प्रकरणात दररोज नवे धक्कादायक खुलासे समोर येत आहेत. आता पुण्यातील मनीषा वाघमारे हिचे नाव या रॅकेटमध्ये समोर आल्यानंतर मोठी खळबळ उडाली आहे. सुखसागर नगर परिसरात राहणारी मनीषा वाघमारे ब्युटी पार्लर चालवत होती. मात्र गेल्या दोन वर्षांपासून ती नीट परीक्षा देणाऱ्या विद्यार्थ्यांना आणि त्यांच्या पालकांना गाठून मेडिकल कॉलेजमध्ये प्रवेश मिळवून देण्याचे आमिष दाखवत असल्याचा आरोप आहे.
पोलिसांच्या माहितीनुसार, मनीषा वाघमारे विद्यार्थ्यांकडून लाखो रुपये घेत असे आणि त्यांना धनंजय लोखंडे याच्याशी जोडून देत होती. या कामासाठी ती मध्यस्थ म्हणून काम करत असल्याचे तपासात समोर आले आहे. विशेष म्हणजे, मेडिकल कॉलेजमध्ये अॅडमिशन करून देण्याच्या नावाखाली तिने एका कुटुंबाकडून तब्बल आठ लाख रुपये घेतल्याचा आरोप स्थानिकांनी केला आहे.
पीडितांच्या म्हणण्यानुसार, पैसे घेतल्यानंतरही विद्यार्थ्याला कोणत्याही मोठ्या कॉलेजमध्ये प्रवेश मिळाला नाही. एवढेच नाही तर पैसे घेण्यासाठी मनीषाने नवीन बँक खातेही उघडल्याची माहिती समोर आली आहे. या प्रकरणामुळे पालकांमध्ये संतापाचे वातावरण निर्माण झाले आहे.
