मोठी बातमी! आणखी एक महिला प्राध्यापक CBI च्या रडारवर, NTA मध्ये थेट केमिस्ट्री विषय तज्ज्ञ म्हणून… धक्कादायक माहिती समोर

NEET पेपरफुटी प्रकरणात आता आणखी एक धक्कादायक माहिती समोर आली आहे.  NTA मध्ये थेट केमिस्ट्री विषय तज्ञ म्हणून कार्यरत असलेल्या एका महिला प्राध्यापकाचे नाव तपासात समोर आल्याने मोठी खळबळ उडाली आहे. या प्रकरणाचा तपास CBI आणि इतर केंद्रीय यंत्रणांकडून वेगाने सुरू आहे.

तपास यंत्रणांना मिळालेल्या माहितीनुसार, संबंधित महिला प्राध्यापक काही संशयितांच्या संपर्कात असल्याची माहिती समोर आली आहे. पुण्यातील ही महिला प्राध्यपक आता सीबीआयच्या रडारवर आहे.  याआधी एनटीए समितीतील तीन प्राध्यापकांना अटक करण्यात आली आहे. काही संशयितांची तसेच विद्यार्थ्यांची चौकशीही करण्यात येत आहे. या प्रकरणात आणखी मोठे खुलासे होण्याची शक्यता व्यक्त केली जात आहे.

देशातील सर्वात महत्त्वाच्या वैद्यकीय प्रवेश परीक्षेच्या विश्वासार्हतेवर या प्रकरणामुळे प्रश्नचिन्ह निर्माण झाले असून दोषींवर कठोर कारवाईची मागणी होत आहे.