उद्घाटनानंतरही आरोग्य उपकेंद्राची इमारत धूळखात, नागरिकांची आरोग्य सुविधांसाठी मागणी

बुलढाणा जिल्ह्यातील शेलगाव देशमुख, जे केंद्रीय राज्यमंत्री प्रतापराव जाधव यांचे मूळ गाव आहे, तेथील प्राथमिक आरोग्य उपकेंद्र गेल्या चार ते पाच वर्षांपासून बंद अवस्थेत आहे. या इमारतीला कुलूप असून, गावातील नागरिकांना कोणतीही आरोग्य सुविधा उपलब्ध नाही. लाखो रुपये खर्च करून बांधलेली ही इमारत पाच वर्षांपासून धूळखात पडली आहे. विशेष म्हणजे, या इमारतीचे उद्घाटन स्वतः खासदार प्रतापराव जाधव यांच्या हस्ते झाले होते. त्यावेळी स्थानिक आमदार आणि अनेक अधिकारी उपस्थित होते. इमारतीकडे येण्यासाठी योग्य रस्ता नसल्यामुळे ती बंद असल्याचे नागरिकांचे म्हणणे आहे.