मोठी बातमी! प्रवाशांचा श्वास गुदमरला; तब्बल 20 मिनिटे… कोकण स्पेशल मांडवी एक्सप्रेस

कोकणात जाणाऱ्या प्रवाशांची लोकप्रिय असलेली मांडवी एक्सप्रेसमध्ये प्रवाशांना मोठा मनस्ताप सहन करावा लागला. गाडीतील 3 E डब्यांचा एसी अचानक बंद पडल्याने प्रवासी अक्षरशः घुसमटले. एसी डबे असल्याने खिडक्या उघडण्याची कोणतीही सोय नव्हती. त्यातच मार्गात अनेक बोगदे असल्याने डब्यात शुद्ध हवा येण्यासही अडचण निर्माण झाली होती.

प्रवाशांनी सांगितले की, आधीच मांडवी एक्सप्रेस तब्बल 1 तास उशिराने धावत होती. त्यानंतर एसी बंद झाल्याने प्रवाशांचा संताप अधिक वाढला. “एसीसाठी अतिरिक्त पैसे भरूनही सुविधा मिळत नाहीत. पैसेही फुकट गेले आणि त्रासही सहन करावा लागत आहे,” अशी नाराजी अनेक प्रवाशांनी व्यक्त केली.

मांडवी एक्सप्रेस ही दररोज छत्रपती शिवाजी महाराज टर्मिनस येथून सुटून मडगावपर्यंत धावते. कोकणात जाणाऱ्या हजारो प्रवाशांसाठी ही महत्त्वाची ट्रेन मानली जाते. सध्या ही गाडी चिपळूणच्या पुढे असल्याची माहिती समोर आली आहे. रेल्वे प्रशासनाने तातडीने समस्या सोडवावी, अशी मागणी प्रवाशांकडून केली जात आहे.