Pune Local Body Election : जागावाटपाचा तिढा फडणवीसांच्या दरबारात, भाजपकडून 115 जणांची नावं निश्चित, आता CM फडणवीस…

पुणे पालिका निवडणुकीसाठी भाजपकडून ११५ जणांची नावे निश्चित करण्यात आली आहेत. निश्चित झालेल्या या उमेदवारांच्या नावांवर राज्याचे मुख्यमंत्री देवेंद्र फडणवीस शिक्कामोर्तब करतील, अशी माहिती सूत्रांनी दिली आहे. पुणे महानगरपालिका निवडणुकीच्या दृष्टीने भाजपने आपली तयारी सुरू केल्याचे यातून दिसून येत आहे.

दरम्यान, भाजप आणि शिवसेनेच्या युतीमध्ये जागावाटपावरून तिढा निर्माण झाला आहे. शिवसेनेकडून सध्या ३५ जागांची मागणी करण्यात आली आहे, तर भाजप १८ जागा देण्याच्या तयारीत आहे. यामुळे युती होण्यात अडचणी येत आहेत. शिवसेनेला २०-२५ जागा मिळाल्यास युतीचा मार्ग मोकळा होऊ शकतो, अशी शक्यता वर्तवली जात आहे. जागावाटपावर एकमत न झालेल्या जागांवर चर्चा करण्यासाठी भाजप कोअर कमिटीची आज मुख्यमंत्र्यांसोबत बैठक आयोजित करण्यात आली आहे. या बैठकीत देवेंद्र फडणवीस यांच्यासोबतही चर्चा होणार आहे.