नुकसानग्रस्त शेतकऱ्यांना सरकारकडून मदत दिली जाणार; मंत्री दीपक केसरकर यांचा शब्द

पुणे : मागच्या काही दिवसांपासून राज्यात अनेक ठिकाणी अवकाळी पाऊस झाला. त्यामुळे शेतीचं मोठं नुकसान झालंय. काढणीला आलेल्या पिकांचं मोठं नुकसान झालंय. या शेतकऱ्यांना सरकार मदत करणार असल्याचं मंत्री दीपक केसरकर यांनी म्हटलं आहे. “या कॅबिनेट बैठकीत शेतकऱ्यांना दिलासा देण्याचा आमचा विचार आहे. शेतकऱ्यांना नक्कीच सरकारकडून मदत दिली जाणार आहे”, असं दीपक केसरकर म्हणाले आहेत. तुम्ही सत्तेत असताना शेतकरी शेतकऱ्यांना काय मदत केली? अयोध्या दौऱ्यावरून फक्त राजकरण केलं जातं आहे. तसं होता कामा नये, असंही दीपक केसरकर म्हणाले आहेत.