तर नोकरी सोडून राजकारणात या, IPS विश्वास नांगरे पाटलांच्या त्या भाषणानंतर राज ठाकरेंचा थेट हल्लबोल!

मनसे अध्यक्ष राज ठाकरे यांनी आयपीएस अधिकारी विश्वास नांगरे पाटील यांच्या वक्तव्यावर जोरदार टीका केली आहे. हिंदू संमेलनातील भाषणात राष्ट्रीय स्वयंसेवक संघ आणि त्यांच्या संस्थापकांबद्दल केलेल्या वक्तव्यामुळे नांगरे पाटील चर्चेत आले आहेत. यावर प्रतिक्रिया देताना राज ठाकरे यांनी पोलीस अधिकाऱ्यांनी निष्पक्ष राहणे अपेक्षित असल्याचे म्हटले आहे.

राज ठाकरे म्हणाले की, सरकारी पदावर कार्यरत असलेल्या अधिकाऱ्यांनी कोणत्याही राजकीय किंवा वैचारिक संघटनेप्रती उघड निष्ठा दाखवू नये. पोलीस दलाची जबाबदारी पार पाडताना तटस्थता महत्त्वाची असते. जर एखाद्या अधिकाऱ्याला विशिष्ट विचारसरणीबद्दल जाहीर भूमिका घ्यायची असेल, तर त्यांनी सेवेतून बाहेर पडून राजकारणात यावे, असेही त्यांनी स्पष्ट केले.

२०१२ मधील रझा अकादमी आंदोलनाचा उल्लेख करत त्यांनी तत्कालीन सरकारच्या भूमिकेची आठवण करून दिली. सरकार आता विश्वास नांगरे पाटील यांच्या प्रकरणात काय भूमिका घेणार, असं त्यांचं म्हणणं आहे.