उद्या औरंगाबादेत राज ठाकरेंची सभा, मनसेचे बडे नेते औरंगाबादच्या दिशेने रवाना

उद्या एक मे रोजी राज ठाकरे यांची औरंगाबादमध्ये सभा होणार आहे. या सभेची सध्या जय्यत तयारी सुरू असून, तयारी अंतिम टप्प्यात आली आहे. सभेच्या पार्श्वभूमीवर मनसेच्या जवळपास सर्वच मोठ्या नेत्यांचा तळ औरंगाबादमध्ये पहायला मिळणार आहे.  मनसे नेते संदीप देशपांडे आणि राजू पाटील आज दुपारी औरंगाबादमध्ये दाखल होणार आहेत. तर अमित ठाकरे त्याआधीच औरंगाबादमध्ये पोहोचले आहेत. या सभेत राज ठाकरे नेमकं काय बोलणार याकडे आता सर्वांचे लक्ष लागले आहे.