मोठी बातमी! 4 वाजताचा मुहूर्त ठरला, मात्र बंडखोर खासदार दोन वाजताच… मुंबई विमानतळावरील व्हिडीओमध्ये नेमकं काय?
मोठी राजकीय घडामोड घडत असून उद्धव ठाकरे यांच्या शिवसेनेला ऑपरेशन टायगरचा मोठा फटका बसल्याचं सांगितलं जात आहे. ठाकरे गटातील 6 खासदारांनी स्वतंत्र गटासाठी लोकसभा अध्यक्षांकडे अर्ज केल्याची माहिती समोर आली होती तसेच पक्षाच्या बैठकीला गैरहजर राहत त्यांनी बंडखोरीचे संकेत दिल्याचे बोलले जात होते.
मोठी राजकीय घडामोड घडत असून उद्धव ठाकरे यांच्या शिवसेनेला ऑपरेशन टायगरचा मोठा फटका बसल्याचं सांगितलं जात आहे. ठाकरे गटातील 6 खासदारांनी स्वतंत्र गटासाठी लोकसभा अध्यक्षांकडे अर्ज केल्याची माहिती समोर आली होती तसेच पक्षाच्या बैठकीला गैरहजर राहत त्यांनी बंडखोरीचे संकेत दिल्याचे बोलले जात होते.
दरम्यान, आज दुपारी 4 वाजता एकनाथ शिंदे यांच्यासोबत या खासदारांची पत्रकार परिषद होणार असल्याची चर्चा आहे. मात्र त्याआधीच हे खासदार मुंबई विमानतळावर दाखल झाल्याने राजकीय वातावरण तापले. विमानतळावर फुटीर खासदारांसोबत पोलिसांचा मोठा ताफा पाहायला मिळाला. तसेच शिंदे गटाकडून त्यांचे जोरदार स्वागत करण्यात आले.
मुंबई विमानतळावरील काही व्हिडीओ सोशल मीडियावर वेगाने व्हायरल होत आहेत. या व्हिडीओमध्ये खासदार विमानतळाबाहेर पडताना आणि पोलिसांच्या सुरक्षेत जाताना दिसत आहेत. मिळालेल्या माहितीनुसार, सर्व खासदार आता एकनाथ शिंदे यांच्या नंदनवन बंगल्याकडे रवाना झाले आहेत. त्यामुळे आजच्या बैठकीत मोठी राजकीय घोषणा होण्याची शक्यता व्यक्त केली जात आहे.
