सचिन अहिरांबाबत मोठी अपडेट समोर; शिंदेंच्या शिवसेनेतून उपसभापती पदाचा अर्ज दाखल करताच, सरकारने थेट….

राज्यातील राजकारणात मोठी खळबळ उडाली असून शिवसेना ठाकरे गटाला आणखी एक मोठा धक्का बसला आहे. विधान परिषदेच्या उपसभापतीपदाच्या निवडणुकीत सचिन अहिर यांनी थेट शिवसेना शिंदे गटाकडून अर्ज दाखल केल्याने राजकीय चर्चांना उधाण आले आहे. विशेष म्हणजे अर्ज दाखल करताना मुख्यमंत्री एकनाथ शिंदे तसेच दोन्ही उपमुख्यमंत्री उपस्थित होते. त्यामुळे महायुतीकडून सचिन अहिर यांना मोठे महत्त्व दिले जात असल्याचे स्पष्ट झाले आहे.

विधान परिषदेच्या उपसभापतीपदासाठी शिवसेना ठाकरे गटाकडूनही उमेदवार देण्यात आला असला तरी सचिन अहिर यांचा विजय जवळपास निश्चित मानला जात आहे. अचानक झालेल्या या राजकीय घडामोडीमुळे उद्धव ठाकरे आणि आदित्य ठाकरे यांना मोठा धक्का बसल्याची चर्चा सुरू आहे.

दरम्यान, सचिन अहिर यांच्या घराबाहेर पोलिस बंदोबस्त वाढवण्यात आला आहे. वरळी येथील त्यांच्या निवासस्थानाबाहेर मोठ्या प्रमाणात पोलिस तैनात करण्यात आले आहेत.अलीकडेच बंडखोरी करणाऱ्या सहा खासदारांच्या ज्याप्रमाणे सुरक्षा दिली जात होती त्याप्रमाणेच अहिर यांच्याही सुरक्षेत वाढ करण्यात आली आहे.