MNS : …हे अटलींकडून BJP नं शिकाव, आंदोलन करणाऱ्या भाजप नेत्यांवर संदीप देशापांडे यांचा निशाणा
भाजपने दादरमध्ये भाषिकवाद पसरवल्याचा आरोप करत ठाकरे गट आणि मनसेविरोधात आंदोलन केले. याला मनसेने जोरदार प्रत्युत्तर दिले. मनसे नेते संदीप देशपांडे यांनी अटल बिहारी वाजपेयींच्या प्रतिमेला अभिवादन करत भाजपला सुसंस्कृतपणा शिकण्याचा सल्ला दिला. त्यांनी भाजपच्या आरोपांवर प्रश्नचिन्ह उपस्थित करत, राजकीय मुद्द्यांवरून टीका केली.
मुंबईत सध्या राजकीय वातावरण तापले आहे. भाजप नेते दादरमधील छत्रपती शिवाजी महाराज पार्कमध्ये ठाकरे गट आणि मनसेविरोधात आंदोलन करत आहेत. मराठी-हिंदी वादातून कल्याणमध्ये अर्णव खैरे या मुलाच्या कथित आत्महत्येच्या घटनेवरून भाजपने ठाकरे गट आणि मनसेवर भाषिकवाद पसरवल्याचा आरोप केला आहे. या भाजपच्या आंदोलनाला मनसेनेही तीव्र प्रत्युत्तर दिले आहे.
मनसे नेते संदीप देशपांडे यांनी अटल बिहारी वाजपेयींच्या प्रतिमेला अभिवादन करत भाजपच्या कृतीवर टीका केली. त्यांनी म्हटले की, “सुसंस्कृतपणा काय असतो, हे भाजपने अटलजींकडून शिकावे.” तसेच, भाषिक वादावरून कोणताही निष्कर्ष पोलिसांनी काढलेला नसताना भाजप घाई करत असल्याचा आरोपही त्यांनी केला. भाजपकडून बाळासाहेब ठाकरे यांच्या स्मृतीस्थळावर आंदोलन केले जात असताना, मनसेने वाजपेयींचा आदर्श समोर ठेवत भाजपला सदबुद्धी देण्याची प्रार्थना केली. या प्रकरणात ठाकरे गटाच्या किशोरी पेडणेकरही वाजपेयींना अभिवादन करताना दिसल्या.
