राऊतांचे आरोप बिनबुडाचे, तात्काळ फडणवीसांची माफी मागा! नवनाथ बन संतापले

भाजपने खासदार संजय राऊत यांनी मुख्यमंत्री देवेंद्र फडणवीस यांच्यावर केलेल्या आरोपांना तीव्र आक्षेप घेतला आहे. राऊत यांनी फडणवीस यांच्यावर व्हीएसआर कंपनीत विमान असल्याचा दावा केला होता. यावर भाजपने हे आरोप निराधार असून, राऊत यांनी तात्काळ माफी मागावी अन्यथा कायदेशीर नोटीस बजावण्यात येईल, असा इशारा दिला आहे. भाजपने संजय राऊत यांच्यावर गांजा ओढून पत्रकार परिषद घेण्याची सवय असल्याचा आरोप केला.

यासोबतच, भाजपने राऊत यांच्या पत्राचाळ घोटाळ्यातील अटकेची आठवण करून दिली. राजकीय पोळी भाजण्यासाठी खोटे आरोप करणे हा त्यांचा धंदा बनल्याचे भाजपने म्हटले आहे. फडणवीस हे उद्धव ठाकरे नाहीत, त्यामुळे त्यांच्याकडे वैयक्तिक विमान असण्याची शक्यता नाही, असेही भाजपने स्पष्ट केले.