युद्ध भारताच्या सीमेवर आलंय, तरी षंडाची शांतता; राऊतांचा सरकारवर हल्ला

राष्ट्रीय सुरक्षेच्या मुद्द्यांवर संसदेत चर्चा न घडवून आणल्याबद्दल संजय राऊत यांनी सरकारवर जोरदार टीका केली आहे. राहुल गांधींकडे भारताच्या आंतरराष्ट्रीय धोरणासंबंधी महत्त्वपूर्ण माहिती असून, सरकारकडे त्यांच्या प्रश्नांची उत्तरे नसतात, असे राऊत म्हणाले. सरकार शांततेच्या बाजूने असल्याचा दावा करत असले तरी, राऊत यांनी त्याला शिवसेनेच्या भाषेत षंढांची शांतता असे संबोधले.

भारताच्या सागरी हद्दीत अमेरिकेने इराणचे जहाज बुडवून १०० नौसैनिक मारल्याचा राऊत यांचा दावा आहे. पंतप्रधान मोदी युद्धापूर्वी इस्रायलला भेट देऊन आल्याचे आणि इराणचे सर्वोच्च नेते खामेनी यांच्या कथित हत्येनंतरही शोक व्यक्त न केल्याचे त्यांनी निदर्शनास आणले. इराण भारताचा जुना मित्र असतानाही ही शांतता सरकारची षंढांची शांतता आहे, असे राऊत यांनी म्हटले. या युद्धाचे मोठे कारण एबस्टीन फाईल असून, जेफ्री एबस्टीन ज्यू/इस्रायली होता आणि इस्रायलने त्याद्वारे अनेक राजकारण्यांना अडकवले होते, असाही दावा त्यांनी केला.