Sea Plane: राज्यात ‘या’ 8 ठिकाणी सी प्लेन सेवा होणार सुरू, यामध्ये तुमचा जिल्हा आहे का बघा?

महाराष्ट्रातील प्रवाशांसाठी एक मोठी आणि आनंदाची बातमी आहे. राज्यात लवकरच आठ ठिकाणी ‘सी-प्लेन’ सेवा सुरू करण्यात येणार आहे. देशात पर्यटनाला चालना देण्यासाठी आणि दुर्गम भागांना हवाई मार्गाने जोडण्यासाठी ही योजना राबविण्यात येणार आहे. याकरता केंद्र सरकारने ‘उडान 5.5’ योजना सुरू केली आहे. या योजनेअंतर्गत हेलिकॉप्टर आणि ‘सी-प्लेन’ सेवा सुरू करण्याची महत्त्वाकांक्षी योजना सरकारने आखली आहे. देशभरात दीडशे ठिकाणी सी प्लेन सेवा सुरू होणार असल्याची माहिती आहे. यामध्ये राज्यातील आठ ठिकाणांचा समावेश करण्यात आला आहे.

 राज्यात ठिकाणी ‘सी प्लेन’ सेवा होणार सुरु 

धोम धरण (वाई, सातारा)
गंगापूर धरण (नाशिक)
खिंडसी धरण (नागपूर)
कोराडी धरण (मेहकर, बुलढाणा)
पवना धरण (पवनानगर, पुणे)
पेंच धरण (पारशिवनी, नागपूर)
गणपतीपुळे (रत्नागिरी)
रत्नागिरी (रत्नागिरी)