Shivsena UBT : समृद्धी महामार्ग रोखण्याआधीच पोलिसांची कारवाई; आमदार नितीन देशमुखांसह ठाकरे गटाचे कार्यकर्ते ताब्यात

वाशिममध्ये शेतकरी मदतीसाठी आंदोलन करणाऱ्या शिवसेना (उद्धव बाळासाहेब ठाकरे गट) कार्यकर्त्यांना आणि आमदार नितीन देशमुख यांना पोलिसांनी ताब्यात घेतले. समृद्धी महामार्ग रोखण्याच्या इशाऱ्यानंतर हे आंदोलन करण्यात आले होते. पोलिसांनी समृद्धी महामार्गावर जाण्यापूर्वीच आंदोलकांना अडवले. वाशिममधील समृद्धी महामार्गापासून सुमारे ६०० ते ७०० मीटर अंतरावर मोठा पोलीस फौजफाटा तैनात होता. आंदोलकांनी त्यांच्यावर सौम्य लाठीचार्ज झाल्याचा आरोप करत सरकारवर हिटलरशाहीचा आरोप केला.

वाढीव मदतीच्या मागणीसाठी पश्चिम विदर्भातल्या शेतकऱ्यांनी हे आंदोलन केले होते. पोलिसांनी कारवाई करत परिस्थिती नियंत्रणात आणली, पण आंदोलकांमध्ये संतप्त प्रतिक्रिया उमटली.