मुंबई : एपीआय सचिन वाझे याची सुमारे सहा तास तळोजा जेलमध्ये चौकशी करण्यात आली. ईडीच्या अधिकाऱ्यांनी 100 कोटी रुपयांच्या वसुली प्रकरणात वाझेची चौकशी केली. यावेळी वाझे याला परमबीर सिंग यांचे लेटर आणि त्यातील आरोप, 100 कोटी रुपयांचे आरोप, बार मालकांनी दिलेले पैसे, इतर साक्षीदारांनी दिलेल्या जबाबाबाबत विचारण्यात आलं. सचिन वाझे याची चौकशी आणखी दोन दिवस चालणार आहे. सचिन वाझे सध्या तळोजा जेलमध्ये आहे. जेल मॅन्युअल प्रमाणे सकाळी 8 ते संध्याकाळी 6 या दरम्यान आरोपीची चौकशी करता येते. ईडीच्या अधिकाऱ्यांनी सचिन वाझे याची 3 दिवस चौकशी करण्याची परवानगी घेतली आहे.