महाराष्ट्र नवनिर्माण सेनेचे अध्यक्ष राज ठाकरे यांचा 3 दिवसीय पुणे दौरा आज पूर्ण झाला. अशावेळी पुणे महापालिका निवडणुकीच्या पार्श्वभूमीवर भाजप आणि मनसे युतीची चर्चा ऐकायला मिळत आहे. भाजप प्रदेशाध्यक्ष चंद्रकांत पाटील यांनी काही दिवसांपूर्वीच भाजप आणि मनसे युतीचे संकेत दिले होते. तर आज एका उद्घाटन कार्यक्रमात राज ठाकरे यांच्यासोबत पुण्याचे महापौर मुरलीधर मोहोळ पाहायला मिळाले. त्यामुळे आता पुण्यात महाविकास आघाडी विरुद्ध भाजप आणि मनसे युतीचा सामना पाहायला मिळण्याची शक्यता व्यक्त केली जात आहे.