Tiger shroff Video : अभिनेता टायगर श्रॉफवरील गोळीबाराचा पहिला थरारक व्हिडीओ समोर; अचानक बाईकवरून आलेले तिघं…
जुहू येथील पुष्पा पार्क परिसरात अभिनेता टायगर श्रॉफच्या गाडीवर दुचाकीवरून आलेल्या तीन अज्ञात व्यक्तींनी गोळीबार केला. फुटबॉल मॅच खेळून परतताना ही घटना घडली. सुदैवाने, टायगर श्रॉफ सुरक्षित असून त्याला कोणतीही दुखापत झालेली नाही, अशी माहिती मुंबई पोलिसांनी दिली आहे. या घटनेने परिसरात गोंधळाचे वातावरण निर्माण झाले होते.
अभिनेता टायगर श्रॉफच्या गाडीवर जुहूच्या पुष्पा पार्क परिसरात गोळीबार झाल्याची धक्कादायक घटना समोर आली आहे. टायगर श्रॉफ आपल्या चालकासोबत जात असताना दुचाकीवरून आलेल्या तीन अज्ञात व्यक्तींनी त्याच्या गाडीवर गोळीबार केला. ही घटना फुटबॉल मॅच खेळून परतत असताना घडली. गोळीबारानंतर परिसरात मोठा गोंधळ आणि घबराटीचे वातावरण निर्माण झाले होते. घटनेच्या वेळी टायगर श्रॉफला पाहण्यासाठी अनेक चाहते जमले होते, जे त्याचे फोटो आणि व्हिडिओ काढण्याचा प्रयत्न करत होते.
गोळीबाराचा आवाज व्हिडिओमध्ये स्पष्ट ऐकू येत असून, काही जणांनी गोळी मारा असे ओरडल्याचेही ऐकू आले आहे. मुंबई पोलिसांनी दिलेल्या माहितीनुसार, या गोळीबारात टायगर श्रॉफला कोणतीही दुखापत झाली नसून तो पूर्णपणे सुरक्षित आहे. पोलिसांनी घटनास्थळावरून एक बुलेटही जप्त केली आहे. या घटनेचा पुढील तपास पोलीस करत आहेत.
