Uddhav Thackeray : अ‍ॅनाकोंडा भूमीपूजन करून गेला अन् त्याला मुंबई… ठाकरेंचा शहांवर घणाघात, EVM वर संशय कायम

उद्धव ठाकरे यांनी एका मेळाव्यात भाजप आणि निवडणूक आयोगावर सडकून टीका केली. मुंबई महानगरपालिका निवडणुकांचे रणशिंग फुंकताना त्यांनी भाजपवर मुंबई गिळण्याचा प्रयत्न करत असल्याचा आरोप केला. अमित शहांना अप्रत्यक्षपणे ॲनाकोंडा संबोधत ते म्हणाले की, “ॲनाकोंडा मुंबई गिळायला आला आहे, पण आम्ही त्याला असे करू देणार नाही.” ठाकरे यांनी इलेक्ट्रॉनिक मतदान यंत्रांवर (EVM) आपला संशय अजूनही कायम असल्याचे सांगितले.

निवडणूक आयोगाने मुंबई महापालिकेच्या निवडणुकीत VVPAT न वापरण्याचा निर्णय घेतल्याबद्दल त्यांनी प्रश्नचिन्ह उपस्थित केले. ते म्हणाले की, अशा परिस्थितीत बोगस मतदान होण्याची शक्यता आहे आणि या करप्ट प्रॅक्टिससाठी निवडणूक आयुक्तांनाही शिक्षा झाली पाहिजे. त्यांनी भाजपला आव्हान दिले की, त्यांनी “खुल्‍या मैदानात यावे, अन्यथा मतचोरी करून सत्ता मिळवण्याचा प्रयत्न करू नये.”