राज ठाकरेंनी पदाधिकाऱ्यांची बैठक बोलावली अन् अचानक रद्द केली, असं काय घडलं?

महाराष्ट्र नवनिर्माण सेनेचे अध्यक्ष राज ठाकरे यांच्या पुणे दौऱ्यात एक महत्त्वाचा बदल समोर आला आहे. आज पुण्यात नियोजित असलेली राज ठाकरे यांची शहर पातळीवरील पदाधिकाऱ्यांसोबतची बैठक रद्द करण्यात आली आहे. या अचानक झालेल्या निर्णयामुळे राजकीय वर्तुळात आणि मनसे कार्यकर्त्यांमध्ये चर्चांना उधाण आले आहे. मिळालेल्या माहितीनुसार, मनसे प्रमुख राज ठाकरे आज पुणे दौऱ्यावर आहेत.

या दौऱ्यादरम्यान त्यांनी शहर पातळीवरील पदाधिकाऱ्यांसोबत एक महत्त्वाची बैठक बोलावली होती. आगामी राजकीय रणनीती, संघटनात्मक आढावा आणि स्थानिक प्रश्नांवर चर्चा करण्यासाठी ही बैठक महत्त्वपूर्ण मानली जात होती. मात्र, ही नियोजित बैठक आता रद्द करण्यात आल्याचे कळते आहे. बैठक रद्द करण्यामागचे नेमके कारण मात्र अद्याप गुलदस्त्यात आहे. पक्षाकडून किंवा राज ठाकरे यांच्या कार्यालयाकडून याबाबत कोणतीही अधिकृत माहिती देण्यात आलेली नाही.

अचानक बैठक रद्द झाल्याने स्थानिक मनसे कार्यकर्त्यांमध्ये आणि पदाधिकाऱ्यांमध्ये उत्सुकता काही प्रमाणात संभ्रम निर्माण झाला आहे. राज ठाकरे पुणे दौऱ्यावर असतानाच ही बैठक रद्द झाल्याने राजकीय निरीक्षकांमध्ये विविध तर्कवितर्क लढवले जात आहेत. या घडामोडींवर आता सर्वांचे लक्ष लागले आहे.