बारामती : राज्याचे माजी उपमुख्यमंत्री आणि आताचे विधानसभेचे विरोधी पक्षनेते अजित पवार (Ajit Pawar) यांचा बारामतीमधील (Baramati News) एक व्हिडीओ समोर आला आहे. एका क्रीडा संकुलाच्या वुडन फ्लोअरींगच्या उद्घाटनाला अजित पवार यांची विशेष उपस्थिती होती. यावेळी अजित पवारांच्या हस्ते जी पुजा करायची होती, ती पुजा करण्याचा मान एका तरुणीला त्यांनी दिला. उपस्थितांमध्ये हजर असलेल्या सामान्य खेळाडूंपैकी एक असलेल्या तरुणीलाच उद्देशून अजित पवारांनी क्रीडा संकुलातील (Ajit Pawar Sports Complex Video) पुजा करण्यास सांगितलं. अजित पवारांनी सगळ्यांसमोर तरुणीला पुजा करण्याचे आदेश देताच, ही तरुणीची थोडीशी चक्रावून गेली. पण अजित पवारांनी या तरुणीला पुजा करण्याबाबत सांगताना, पूजा कर ना, मी सांगतोय ना, असं म्हटलं आणि उपस्थितांनाही चकीत केलं. यावेळी संपूर्ण क्रीडा संकुलाची पाहणीही अजित पवारांनी यांनी घेतली. दरम्यान, याआधीही एकदा अजित पवारांनी महिलांना बरोबरीची वागणून आणि संधी मिळावी, यासाठी पावलं उचलल्याचं दिसून आलं होते. डिसेंबर महिन्यात सिंधुदुर्ग दौऱ्यावेळी अजित पवारांच्या गाडीचं सारथ्य हे एका महिला पोलीस कर्मचारीने केलं होतं. दरम्यान, आता यावेळी बारामतीमध्ये नेमकं काय घडलं, पाहा हा त्याचाच हा खास व्हिडीओ..