Budget 2026 : ऑटोमोबाईल क्षेत्राला अच्छे दिन, वाहन क्षेत्रासाठी नेमके काय?

Budget 2026 Auto News : केंद्रीय अर्थमंत्री निर्मला सीतारामन यांनी अर्थसंकल्प सादर केला. त्यात अनेक मोठ्या घोषणा करण्यात आल्या. 2026 च्या अर्थसंकल्पात ऑटोमोबाईल क्षेत्रासाठीही अनेक महत्त्वाच्या घोषणा करण्यात आल्या आहेत (Union Budget Auto News).

जीएसटीमध्ये यापूर्वीच सुधारणा करण्यात आली असली तरी या अर्थसंकल्पात इलेक्ट्रिक वाहन आणि पायाभूत सुविधांवर विशेष लक्ष देण्यात आले आहे. 2026 च्या अर्थसंकल्पात भारतीय ऑटोमोबाईल क्षेत्रासाठी 7 मोठ्या आणि आनंदाच्या बातम्या आम्ही तुम्हाला सांगणार आहोत.

1. इलेक्ट्रिक वाहने (EV) स्वस्त होतील

पहिली चांगली बातमी म्हणजे भारतात इलेक्ट्रिक वाहने स्वस्त होऊ शकतात. सरकारने लिथियम-आयन बॅटरी बनवण्याच्या मशीनवरील कर (शुल्क) सूट वाढविली आहे. याशिवाय बॅटरी तयार करण्यासाठी वापरल्या जाणाऱ्या खनिजांवर (जसे की लिथियम आणि कोबाल्ट) करही कमी करण्यात आला आहे. याचा फायदा असा होईल की भारतात बॅटरी बनवणे स्वस्त होईल, ज्यामुळे इलेक्ट्रिक कार आणि स्कूटरच्या किंमती कमी होतील.

2. CNG च्या किमती कमी होऊ शकतात

2026 च्या अर्थसंकल्पात, सरकारने बायोगॅस-मिश्रित CNG वरील उत्पादन शुल्क पूर्णपणे काढून टाकले आहे. यामुळे CNG च्या किमती कमी होतील, ज्यामुळे सर्वसामान्यांना फायदा होईल आणि प्रवास स्वस्त होईल.

3. सेमीकंडक्टर मिशन 2.0

आजच्या कारमध्ये चिप (सेमीकंडक्टर) ची मोठी भूमिका आहे. सरकारने यासाठी सेमीकंडक्टर मिशन 2.0 सुरू केले आहे आणि इलेक्ट्रॉनिक्स उत्पादनासाठी तरतूद 22,919 कोटी रुपयांवरून 40,000 कोटी रुपये केली आहे. यामुळे भविष्यात कारसाठी चिपचा पुरवठा सुधारेल आणि वाहने स्मार्ट होतील.

4. लघु उद्योगांची चांदी (MSME)

छोट्या कारचे सुटे भाग बनवणाऱ्या कंपन्यांसाठी 10,000 कोटी रुपयांचा SME ग्रोथ फंड तयार करण्यात आला आहे. यामुळे छोट्या पुरवठादारांना नवीन यंत्रे बसवण्यासाठी आणि व्यवसायाचा विस्तार करण्यासाठी सहज कर्ज मिळू शकेल.

5. कॉरिडोर

बॅटरीसाठी आवश्यक असलेल्या खनिजांसाठी भारताला यापुढे चीनवर अवलंबून राहायचे नाही. यासाठी ओडिशा, केरळ, आंध्र प्रदेश आणि तामिळनाडूमध्ये रेअर अर्थ कॉरिडोर बांधले जातील. यामुळे कच्च्या मालासाठी चीनसारख्या देशांवरील अवलंबित्व कमी होईल आणि खाणकामापासून ते उत्पादनापर्यंत भारतातच काम करणे सोपे होईल.

6. मालवाहतूक स्वस्त आणि वेगवान होईल

सरकारने गुजरातमधील सुरत आणि पश्चिम बंगालमधील दानकुनी दरम्यान नवीन समर्पित मालवाहतूक कॉरिडॉर बनवण्याची घोषणा केली आहे. यामुळे रस्त्यांवरील वाहतूक कमी होईल आणि एका शहरातून दुसऱ्या शहरात वाहने नेणे स्वस्त आणि वेगवान होईल.

7. जलमार्गांचा विकास

येत्या 5 वर्षात 20 नवे राष्ट्रीय जलमार्ग सुरू केले जाणार आहेत. हा मार्ग ओदिशातील राष्ट्रीय जलमार्ग-5 पासून सुरू होईल. यामुळे बंदरे आणि कारखान्यांदरम्यान माल वाहतुकीला स्वस्त पर्याय उपलब्ध होईल, ज्यामुळे गाड्यांचा खर्च कमी होईल.