देशातील सर्वात जुन्या उद्योगपती कुटुंबात संपत्तीची वाटणी, दोन भागात गोदरेजचे विभाजन
देशातील सर्वात जुनी कंपन्यांपैकी एक असलेल्या गोदरेज कंपनीत फूट पडली आहे. गोदरेजच्या मालकीच्या कंपन्या आता दोन भागात वाटल्या जाणार आहे. गेल्या तीन वर्षांपासून हे काम सुरु आहे. गोदरेज कंपनीचे देशात मोठे नाव आहे.
मुंबई : गोदरेज कुटुंब एका शतकाहून अधिक काळापासून उद्योग क्षेत्रात आहे. पण या कुटुंबात आता फूट पडली आहे. त्यांंनी स्थापन केलेल्या गोदरेज ग्रुपमध्ये औपचारिक विभाजन करण्यास सुरुवात केली आहे. कुटुंबातील दोन गटांनी आता एकमेकांच्या कंपन्यांच्या संचालकांचे राजीनामे दिले आहेत. आता ते लवकरच एकमेकांच्या कंपन्यांमधील शेअर्स देखील विकणार आहेत. आदि आणि नादिर गोदरेज यांनी गोदरेज आणि बॉयसच्या बोर्डाचा राजीनामा दिला आहे तर जमशेद गोदरेज यांनी GCPL आणि गोदरेज प्रॉपर्टीजच्या बोर्डावरील आपली जागा सोडली आहे. कुटुंबाच्या दोन शाखांमध्ये ही विभागणी होत आहे.
कौटुंबिक व्यवस्थेअंतर्गत हस्तांतरण
एका बाजूला आदि गोदरेज आणि भाऊ नादिर गोदरेज तर दुसरीकडे, त्यांचे चुलत भाऊ जमशेद गोदरेज आणि त्यांची बहीण स्मिता गोदरेज कृष्णा आहेत. गोदरेज इंडस्ट्रीज अँड असोसिएट्सचे नेतृत्व आदि गोदरेज आणि त्यांचे बंधू करतात. गोदरेज अँड बॉयस (G&B) चे प्रमुख जमशेद गोदरेज आणि त्यांची बहीण आहेत. आदि नादिर गोदरेज अँड बॉयसमधील आपला हिस्सा दुसऱ्या शाखेला विकणार आहे. जमशेद गोदरेज आणि त्यांचे कुटुंबीय गोदरेज कन्झ्युमर प्रॉडक्ट्स (GCPL) आणि गोदरेज प्रॉपर्टीजमधील स्टेक त्यांच्या चुलत भावांना कौटुंबिक व्यवस्थेअंतर्गत हस्तांतरित करणार आहेत.
दोन भागात वाटला जाणार उद्योग
अंदाजे 3,400 कोटी रुपयांची रिअल इस्टेट मुंबईच्या उपनगरी भागात असलेली ही मालमत्ता गोदरेज आणि बॉइस (G&B) च्या अंतर्गत जाईल. मालकी हक्क नियंत्रित करण्यासाठी स्वतंत्र करार केला जाईल. गोदरेज ग्रुपमध्ये GCPL, गोदरेज प्रॉपर्टीज, गोदरेज इंडस्ट्रीज, गोदरेज ॲग्रोव्हेट आणि एस्टेक लाईफसायन्सेस या पाच सूचीबद्ध कंपन्यांचा समावेश आहे. गेल्या आठवड्यात गुरुवारी बाजार बंद असताना त्यांचे मार्केट कॅप 2.34 लाख कोटी रुपये होते. पाच सूचीबद्ध कंपन्यांनी FY23 मध्ये सुमारे 42,172 कोटी रुपयांचा महसूल आणि 4,065 कोटी रुपयांचा नफा नोंदवला आहे. G&B ही खाजगी मालकीची कंपनी आहे. समूह अभियांत्रिकी, उपकरणे, सुरक्षा उपाय, कृषी उत्पादने, रिअल इस्टेट आणि ग्राहक उत्पादनांसह विविध व्यवसाय चालवतात.
तीन वर्षापासून काम चालू
तज्ज्ञांच्या मते, गोदरेज फॅमिली कौन्सिल दोन महत्त्वाच्या मुद्द्यांशी संबंधित मुख्य बारकावे शोधून काढत आहे. यामध्ये विभाजनानंतर गोदरेज ब्रँड नावाचा वापर, संभाव्य रॉयल्टी देयके आणि G&B कडे असलेल्या जमिनीचे मूल्यांकन यांचा समावेश आहे. भावी पिढ्यांसाठी मालकीचे स्पष्ट वर्णन प्रस्थापित करण्याच्या उद्देशाने विभाग सुमारे तीन वर्षांपासून काम करत आहे, असे वर नमूद केलेल्या लोकांनी सांगितले. कुटुंब प्रमुख, आदि गोदरेज आणि जमशेद गोदरेज अनुक्रमे 82 आणि 75 वर्षांचे आहेत.
