12 जीबी रॅम असलेला लावाचा 5G फोन भारतात लाँच, जाणून घ्या फीचर्स आणि किंमत

15 हजार रुपयांच्या बजेटमध्ये नवीन फोन शोधणाऱ्या ग्राहकांसाठी लावा कंपनीने एक नवीन बजेट स्मार्टफोन लाँच केला आहे. लावा बोल्ड 2 5जीच्या प्रमुख वैशिष्ट्यांमध्ये 500,000 पेक्षा जास्त AnTuTu स्कोअर असलेला मीडियाटेक डायमेन्सिटी प्रोसेसर समाविष्ट आहे. शिवाय फोनमध्ये 6 जीबी रॅम आणि 6 जीबी व्हर्च्युअल रॅम आहे.

या फोनमध्ये सुरक्षेसाठी इन-डिस्प्ले फिंगरप्रिंट सेन्सर देखील आहे आणि हा फोन ब्लोटवेअर-मुक्त अनुभव देतो. या नवीनतम लावा स्मार्टफोनची किंमत किती आहे, तो कधी विक्रीसाठी उपलब्ध होईल आणि त्यात इतर कोणते वैशिष्ट्ये आहेत? चला जाणून घेऊयात.

लावा बोल्ड 2 5जी ची भारतातील किंमत

6 जीबी रॅम आणि 128 जीबी स्टोरेज असलेला नवीनतम लावा मोबाईल फोन 12 हजार 999 रुपयांना लाँच करण्यात आला आहे. या किंमतीत बँक ऑफर्सचा समावेश आहे, म्हणजेच बँक ऑफर्सचा फायदा घेतल्यानंतर तुम्हाला हा फोन कमी किमतीत खरेदी करता येणार आहे.लावा फोनच्या उपलब्धतेबद्दल बोलायचे झाले तर, हा फोन 19 मार्च रोजी दुपारी 12 वाजता विक्रीसाठी उपलब्ध होईल. तुम्ही हा फोन ई-कॉमर्स प्लॅटफॉर्म Amazon वरून खरेदी करू शकता. हा फोन मिडनाईट ब्लॅक आणि फेदर व्हाइट या दोन रंगांमध्ये उपलब्ध असेल.

स्पर्धेबाबत बॊलायचे झाले तर या किंमत रेंजमध्ये हा नवीन लावा फोन Motorola G57 Power 5G, Redmi Note 14 SE 5G, Poco M7 Plus 5G, Samsung Galaxy F06 5G आणि Vivo T4x 5G शी स्पर्धा करेल.

लावा बोल्ड 2 5जी स्पेसिफिकेशन्स

• डिस्प्ले: या नवीनतम फोनमध्ये 120 हर्ट्झ रिफ्रेश रेट सपोर्टसह 6.67 इंचाचा फुल एचडी प्लस एमोलेड डिस्प्ले आहे.
• चिपसेट: या हँडसेटमध्ये 2.6 GHz सह मीडियाटेक डायमेन्सिटी 7060 प्रोसेसर देण्यात आलेला आहे.
• कॅमेरा सेटअप: फोनच्या मागील बाजूस 50 -मेगापिक्सेलचा एआय रियर सोनी कॅमेरा सेन्सर उपलब्ध असेल.
• बॅटरी क्षमता: फोनला 33 वॅट जलद चार्जिंग सपोर्टसह 5000 एमएएचची पॉवरफुल बॅटरी देण्यात आली आहे.
• ऑपरेटिंग सिस्टम: लावा ब्रँडचा हा नवीनतम फोन अँड्रॉइड 15 ओएसवर काम करतो.