एकापेक्षा जास्त क्रेडिट कार्ड वापरावीत का, जाणून घ्या फायदे आणि तोटे

Credit Card | जर तुम्ही क्रेडीट कार्ड हुशारीने वापरत असाल तर त्याचा फायदा नक्कीच होतो. क्रेडिट कार्डसह, तुम्ही अनेक दिवस व्याजाशिवाय पैसे वापरू शकता. तुमच्या खिशात पैसे नसले तरीही तुम्ही तुम्हाला आवश्यक असलेल्या वस्तू खरेदी करू शकता. क्रेडिट कार्डच्या मदतीने तुम्ही 50 दिवसांसाठी व्याजमुक्त क्रेडिट खरेदी करू शकता.

एकापेक्षा जास्त क्रेडिट कार्ड वापरावीत का, जाणून घ्या फायदे आणि तोटे
क्रेडिट कार्ड

नवी दिल्ली: अलीकडच्या काळात रोख आर्थिक व्यवहारांचे प्रमाण बरेच कमी झाले आहे. त्याची जागा आता डिजिटल व्यवहारांनी घेतली आहे. यामध्ये प्रामुख्याने क्रेडिट किंवा डेबिट कार्डसचा वापर करुन व्यवहार पार पडतात. क्रेडिट कार्डावर उधारीवर खरेदी करता येत असल्याने अनेकांना हा पर्याय हवाहवासा वाटतो.

अनेक लोक अनेक बँकांचे क्रेडिट कार्ड घेऊन फिरत असतात. प्रश्न पडतो की, खरोखरच एकापेक्षा जास्त क्रेडिट कार्डची गरज आहे का आणि एकापेक्षा जास्त क्रेडिट कार्ड असण्याचा काही फायदा आहे का?

क्रेडिट कार्ड्स तुम्हाला कर्जाच्या दलदलीत ढकलण्याचे काम करतात आणि एकापेक्षा जास्त क्रेडिट कार्ड तुम्हाला अशा कर्जाच्या सापळ्यात अडकवतील की त्यातून तुम्ही कधीच बाहेर पडू शकत नाही. म्हणूनच गरजेच्या वेळी क्रेडिट कार्डचा वापर केला पाहिजे. आणि त्याचा वापर केल्यानंतर त्याचे बिल भरण्याची व्यवस्था करावी. अन्यथा क्रेडिट कार्डाचे व्याज तुमची परिस्थिती बिकट करु शकते, असे जाणकार सांगतात.

क्रेडिट कार्डाचा फायदा

जर तुम्ही क्रेडीट कार्ड हुशारीने वापरत असाल तर त्याचा फायदा नक्कीच होतो. क्रेडिट कार्डसह, तुम्ही अनेक दिवस व्याजाशिवाय पैसे वापरू शकता. तुमच्या खिशात पैसे नसले तरीही तुम्ही तुम्हाला आवश्यक असलेल्या वस्तू खरेदी करू शकता. क्रेडिट कार्डच्या मदतीने तुम्ही 50 दिवसांसाठी व्याजमुक्त क्रेडिट खरेदी करू शकता. उदाहरणार्थ, जर तुम्ही महिन्याच्या 1 तारखेला क्रेडिट कार्डने खरेदी केली असेल, तर तुम्हाला त्याचे बिल भरण्यासाठी 50 दिवस मिळतात. तुम्ही पुढील महिन्याच्या 21 तारखेपर्यंत बिल भरा. क्रेडिट कार्ड बिल वेळेवर भरणे आवश्यक असते.जर तुम्ही बिलिंग तारखेपासून उशीरा पैसे भरले तर तुम्हाला जास्त व्याज द्यावे लागेल.

क्रेडिट कार्ड रोलओव्हर पासून वाचा?

जर तुम्ही तुमच्या क्रेडिट कार्डचे बिल देय तारखेनंतर भरत असाल तर तुम्ही चूक करत आहात. जर तुम्ही देय तारखेला बिल भरले नाही, तर तुम्हाला क्रेडिट कार्डची थकबाकी भरण्यासाठी जास्त व्याजासह दंड भरावा लागेल. क्रेडिट कार्डची बिले पुढच्या महिन्यापर्यंत वाढवली किंवा गुंडाळली तर व्याजमुक्त कर्जाचा लाभ मिळत नाही. आता या कर्जावर भरघोस व्याज भरावे लागणार आहे. काहीवेळा अशी वेळ येते जेव्हा तुमच्याकडे संपूर्ण बिल भरण्यासाठी पैसे नसतात, तेव्हा तुम्ही बिलाच्या किमान 5% भरू शकता.

अशा स्थितीत तुमचे उर्वरित बिल पुढील महिन्याचे होते आणि या थकबाकीवर 2 ते 3 टक्के व्याज आकारले जाते. आणि जर अशा परिस्थितीत तुम्हाला पुन्हा क्रेडिट कार्डने खरेदी करावी लागत असेल, तर तुमचे खूप नुकसान होईल.

दुसऱ्या कार्डाचा उपयोग

या परिस्थितीत, जर तुमच्याकडे इतर कोणत्याही बँकेचे क्रेडिट कार्ड असेल तर तुम्ही ते नवीन खरेदीसाठी वापरू शकता. आता तुम्हाला दोन्ही बिले लवकरात लवकर भरण्याची व्यवस्था करावी लागेल. तुमच्याकडे एकापेक्षा जास्त क्रेडिट कार्ड असल्यास, तुम्ही एका कार्डवर न भरलेल्या बिलांवर जास्त व्याज टाळू शकता. कार्ड जारी करणारी बँक तुम्हाला प्रलंबित बिलांची रक्कम कार्डमध्ये हस्तांतरित करण्याची परवानगी देते. काही बँका या सेवेसाठी पहिले एक-दोन महिने काहीही शुल्क आकारत नाहीत.

तुमच्या कार्डमध्ये काही तांत्रिक बिघाड झाल्यामुळे किंवा त्या बँकेचा सर्व्हर डाऊन झाल्यामुळे तुम्ही क्रेडिटसह पैसे भरू शकत नाही, असेही अनेकदा घडते. कधीकधी POS मशीन तुमचे कार्ड वाचू शकत नाही. अशा परिस्थितीत तुमच्या खिशात ठेवलेले दुसरे क्रेडिट कार्ड कामी येते.

संबंधित बातम्या:

क्रेडिट कार्ड वापरा, पण प्रत्येक ठिकाणी नाही; जाणून घ्या आरबीआयचे नियम

क्रेडिट कार्डावर मिळणारे ‘हे’ चार फायदे माहितीयेत का, जाणून घ्या सर्वकाही

क्रेडिट कार्ड नसेल तरीही हप्त्यांवर खरेदी करु शकता; जाणून घ्या सर्वकाही

Click on your DTH Provider to Add TV9 MARATHI