Cylinders : गॅस सिलेंडरवर QR Code, काय होईल साध्य नि कसे करेल काम? फायद्याचे गणित काय..

नवी दिल्ली : घरगुती गॅस सिलेंडरबाबत (Gas Cylinder) केंद्र सरकारने एक क्रांतीकारी निर्णय घेतला आहे. त्यामुळे आता गॅस सिलेंडरच्या काळाबाजाराला आळा घालणे सोपे होणार आहे. सिलेंडरची चोरी यामुळे रोखता येणार आहे. त्यासाठी केंद्र सरकारने (Central Government) रामबाण उपाय शोधला आहे. त्यासाठी घरगुती गॅस सिलेंडरवर QR Code लावण्यात येणार आहे.

लवकरच लिक्विफाईड पेट्रोलियम गॅसवर (LPG) क्यूआर कोड लावण्यात येणार आहे. हा QR Code, Smartphone च्या सहाय्याने स्कॅन करुन त्यासंबंधीची माहिती मिळविता येणार आहे. केंद्रीय पेट्रोलियम मंत्री हरदीप सिंग पुरी (Hardeep Singh Puri) यांनी याविषयीची घोषणा केली.

हा कोड सिलेंडरवर आधार कार्डसारखे काम करेल. सध्या तुम्हाला मिळणाऱ्या सिलेंडरवर क्यूआर कोड लावण्यात येईल. तर नवीन ग्राहकांना क्युआर कोडसहितच गॅस सिलेंडर देण्यात येणार आहे.

पहिल्यांदा एकूण 20,000 एलपीजी गॅस सिलेंडरवर हा कोड लावण्यात येणार आहे. पुढील तीन महिन्यात सगळ्याच 14.2 किलोग्रॅमच्या घरगुती गॅस सिलेंडरवर क्युआर कोड लावण्यात येणार आहे.

या क्युआर कोडमुळे ग्राहकांना, सिलेंडर डिस्ट्रीब्युटरचे नाव, तुमच्या घरी ते कोठून येणार आहे. डिलिव्हरी बॉयचे नाव काय आहे, याची माहिती ग्राहकांना मिळणार आहे. या क्युआर कोडमुळे गॅस सिलेंडरचा पूर्ण प्रवास तुम्हाला पाहता येईल.

क्यू आर कोडमुळे गॅस सिलेंडर सध्या कुठे आहे त्याची माहिती मिळेल. ग्राहकांना गॅस सिलेंडरचे वजन, त्याची एक्सपायरी डेटची माहिती मिळेल. गॅस लिकेजची माहिती मिळविता येईल. गॅस सिलेंडरची सेफ्टी टेस्ट केलेली आहे की नाही याची माहिती घेता येईल.