‘या’ सरकारी योजनेत 5000 गुंतवणुकीतून वयाच्या 60 व्या वर्षापर्यंत व्हा करोडपती, कसा घ्याल फायदा?
यात तुम्ही दरमहा अवघ्या 5,000 रुपये जमा करून वयाच्या 60 व्या वर्षांपर्यंत कोट्यवधी रुपये मिळवू शकता. मासिक पेन्शनचाही पर्याय उपलब्ध आहे. national pension system
नवी दिल्लीः जर आपण सेवानिवृत्तीचं प्लॅनिंग करत असाल, परंतु गुंतवणूक योजनेबद्दल गोंधळ असेल तर सरकारसाठी चालणारी नॅशनल पेन्शन सिस्टम (NPS) तुमच्यासाठी हा एक चांगला पर्याय ठरू शकेल. यात तुम्ही दरमहा अवघ्या 5,000 रुपये जमा करून वयाच्या 60 व्या वर्षांपर्यंत कोट्यवधी रुपये मिळवू शकता. मासिक पेन्शनचाही पर्याय उपलब्ध आहे. (national pension system invest 5000 monthly and become millionaire)
इक्विटी आणि बाँडमध्ये पैसे जमा केले जातात
एनपीएस योजनेत चक्रवाढ व्याज आकारले जाते, त्यामुळे ते एकूण रकमेवर चांगले उत्पन्न देते. यासह आपण वयाच्या 60 व्या वर्षी लक्षाधीश होऊ शकता. एनपीएसमधील 70 टक्के गुंतवणूक इक्विटीमध्ये, 15 टक्के कॉर्पोरेट बाँडमध्ये आणि उर्वरित 15 टक्के सरकारी बाँडमध्ये जमा आहे. एनपीएस कॅल्क्युलेटरच्या मते, जर आपण 30 व्या वर्षापासून प्रत्येक महिन्याला 5000 रुपये जमा केले तर आपण त्यामध्ये सुमारे 18 लाख रुपये जमा कराल. सामान्यत: ते 10 ते 12 टक्के परतावा देते.
10% रिटर्नवर किती नफा होतो ते जाणून घ्या
जर तुम्हाला 10 टक्के परतावा मिळाला, तर 60 व्या वर्षी तुम्हाला सुमारे 1.14 कोटी रुपये मिळतील. यामधून तुम्हाला 60% किंवा 68 लाख रुपये त्वरित मिळतील. त्याचबरोबर उर्वरित 46 लाख रुपये तुम्हाला मासिक पेन्शन म्हणून मिळेल. तर दरमहा तुम्हाला सुमारे 22,850 रुपये मिळू शकतात.
12% व्याजावर रक्कम प्राप्त होईल
एनपीएसमध्ये तुम्हाला 12 टक्के परतावा मिळाल्यास 60 व्या वर्षी तुम्हाला 1.75 कोटी रुपये मिळतील. अशा परिस्थितीत तुम्ही ताबडतोब 1.05 कोटी रुपये काढू शकता तर तुम्हाला पेन्शन म्हणून 71 लाख रुपये मिळतील. तुम्हाला दरमहा 35,350 रुपये पेन्शन मिळू शकते.
संबंधित बातम्या
कोरोनाला रोखण्यात रिलायन्स सर्वात पुढे; सॅनिटायझर, कोविड किटनंतर आता कंपनी औषध आणणार
घर मालक की भाडेकरू, मोदी सरकारने मंजूर केलेल्या नव्या कायद्याचा फायदा नेमका कोणाला?
national pension system invest 5000 monthly and become millionaire
