Bank Loan EMI : EMI हुकला तरी घर होणार नाही जप्त, कुणालाच माहिती नसलेली फक्त ही ट्रिक वापरा!

Bank EMI : अनेकदा पगार उशिरा झाला की तुमचा ईएमआय भरायचा राहून जातो. EMI ची तारीख निघून गेली की नंतर तुमच्या कर्जाच्या खात्यावर ओव्हरड्यू दाखवला जातो. अगोदर तुम्हाला मेसेज किंवा ई-मेलच्या माध्यमातून तुम्हाला EMI भरा अशी आठवण करून दिली जाते. परंतु पुढच्या काही दिवसांनीदेखील तुम्ही EMI न भरल्यास बँकेची कलेक्शन टीम तुम्हाला कॉल करून हप्ता न भरण्याचे कारण विचारायला लागते. या कालात EMI ची तारीख चुकवल्यामुळे तुम्हाला पेनाल्डी लागते. तुमच्याकडे EMI चुकवल्यामुळे अतिरिक्त पैसे मागितले जातात.

ईएमआय न भरू शकल्यास काय तोटा होतो?

EMI चुकवल्यामुळे घेण्यात येणारी दंडात्मक रक्कम ही कर्ज आणि व्याजापेक्षा वेगळी असते. तुम्ही एखादा EMI चुकवल्यास तुम्हाला दंड तर भरावा लागतो. शिवाय तुमचा इतरही काही बाबतीत तोटा होतो. तुमचा सिबिल स्कोअर कमी होतो. तुमचा क्रेडिट स्कोअरही कमी होतो. तुम्ही एका महिन्याच्या आत राहिलेला EMI भरल्यास फारसा फरक पडत नाही. परंतु EMI त्यापेक्षा लेट झाल्यास तुमचा सिबील स्कोअर फार लवकर घसरतो. परिणामी तुम्हाला भविष्यात बँका कर्ज देण्यास टाळाटाळ करतात.

EMI एखादा महिना न भरल्यास तुमच्याविरोधात….

तुमच्या घराच्या कर्जाचा EMI भरायचा राहून गेल्यास तुम्हाला बँक लगेच नोटीस पाठवतो. बँकेच्या नियमानुसार तुम्ही सलग 90 दिवस कर्जाचा EMI भरू न शकल्यास तुमचे कर्ज हे एनपीए म्हणून गृहित धरले जाते. त्यानंतर तुमच्याविरोधात कायदेशीर प्रक्रिया केली जाते. म्हणजेच घराचा EMI एखादा महिना न भरल्यास तुमच्याविरोधात मोठी कारवाई होत नाही. बँका तुमचे घर लगेच जप्त करू शकत नाहीत. परंतु तुम्हाला दंड भरावा लागू शकतो.

EMI न भरू शकल्यास नेमकं काय करावं…

काही कारणास्तव तुम्ही ईएमआय न भरू शकल्यास लगेच बँकेशी संपर्क करावा. त्यानंतर EMI का भरू शकलो नाही, याचे योग्य कारण सांगावे. तसेच लवकरात लवकर थकलेला कर्जाचा हप्ता भरून टाकावा. ईएमआय भरताना दंडात्मक रक्कमही भरून टाकावी. तुम्ही आर्थिक अडचणीत असाल तर तुम्ही रि-शेड्यूलिंग किंवा मोरेटोरियम यासारख्या पर्यायांवर विचार करू शकता. त्यामुळे तुम्ही आर्थिक अडचणीत सापडणार नाही.