AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Mobile Tower : घरावर मोबाईल टॉवर बसवण्याची उगा घाई कशाला, फसवणा-या टोळ्या राज्यात सक्रीय, दूरसंचार उद्योगाने काय दिला इशारा

Mobile Tower News Alert : घरावर मोबाईल टॉवर उभारताय. पण फसवणुकीचे प्रकार माहिती आहेत का? दूरसंचार विभागाने काय दिला इशारा, का केले सावध, चला जाणून घेऊयात

Mobile Tower : घरावर मोबाईल टॉवर बसवण्याची उगा घाई कशाला, फसवणा-या टोळ्या राज्यात सक्रीय, दूरसंचार उद्योगाने काय दिला इशारा
मोबाईल टॉवर उभारताना सावधानImage Credit source: सोशल मीडिया
| Updated on: Jul 11, 2022 | 2:18 PM
Share

Mobile Tower Scam News : घरावर मोबाईल टॉवर(Mobile Tower) उभारत आहात? तर ही माहिती तुम्ही वाचाच. कारण घरावर मोबाईल टॉवर उभारुन बसल्या ठिकाणी मोठी कमाईची (Benefits) स्वप्न तुम्ही रंगवत असाल तर वेळीच सावध व्हा. कोणीतरी तुम्हालाच सावज करुन कमाईचा प्लॅन अगोदरच आखला आहे. दूरसंचार क्षेत्रात काम करणा-या दोन आघाडीच्या संस्थांनी जनतेला या गोरखधंद्याची माहिती देऊन जागरुक केले आहे. जर तुम्हाला या जाळ्यात अडकायचं नसेल तर आताच सावध व्हा. दूरसंचार पायाभूत सुविधा प्रदातांची प्रमुख प्रतिनिधी संस्‍था डीआयपीए (DIPA)आणि सीओएआय(COAI) या दोन संस्थांनी नागरिकांना सावध केले आहे. नागरिकांना त्यांच्या मालमत्तेत मोबाईल टॉवर उभारुन मालामाल करण्याचे आमिष दाखवण्यात येते. त्यासाठी अगोदरच त्यांच्याकडून भलीमोठी रक्कम उकळण्यात येते. या दोन्ही संस्थांनी या फसवणुकीबाबत नागरिकांना अलर्ट (Alert) दिला आहे. मोबाइल टॉवर्स उभारण्‍यासंबंधित होणार्‍या फसवणूकीबाबत सावध केले आहे.

जनतेची फसवणूक करण्‍यासोबत त्‍यांना मोबाइल टॉवर्स बसवण्याकरिता त्यांची जागा भाडेतत्त्वावर देण्यासाठी सरकारी कराच्या नावावर स्‍वत:च्‍या वैयक्तिक किंवा कंपनीच्या खात्यात पैसे जमा करण्यास सांगणार्‍या विशिष्‍ट कंपन्‍या, एजन्‍सीज किंवा व्‍यक्‍तींविरुद्ध जनतेला सावध करण्‍यात आले आहे. हेच लोक मोबाइल टॉवर्स बसवण्यासाठी दूरसंचार व माहिती तंत्रज्ञान मंत्रालयाचे बनावट ‘ना हरकत प्रमाणपत्र’ देखील देत आहेत.

मोबाइल टॉवर्स टेलिकॉम सर्विस प्रोव्‍हायडर्स (TSP) किंवा इन्‍फ्रास्‍ट्रक्‍चर प्रोव्‍हायडर्स (IP) द्वारे स्थापित केले जातात. टॉवर स्थापनेसाठी कोणत्याही ऑफर स्वीकारण्यापूर्वी लोकांना टीएसपी किंवा आयपीच्या वेबसाइट्सना भेट देऊन सत्यता पडताळण्याची विनंती करण्‍यात आली आहे. मान्यताप्राप्‍त टीएसपी आणि आयपीची अद्ययावत यादी www.dot.gov.in वर देखील उपलब्ध आहे.

डीआयपीएचे डीजी श्री. टी. आर. दुआ म्‍हणाले, ”इंडस टॉवर्स, अमेरिकन टॉवर कॉर्पोरेशन, सुमित डिजिटल इन्‍फ्रास्‍ट्रक्‍चर, असेंड टेलिकॉम, टॉवर व्हिजन अशा टेलिकॉम इन्‍फ्रास्‍ट्रक्‍चर प्रदातांकडून मोबाइल टॉवर्स स्‍थापित केले जातात. आयपी जनतेला फसवणूकींबाबत सावध करण्‍यासाठी अनेक पावले उचलत आहेत आणि टोल-फ्री क्रमांक, वेबसाइट, ई-मेल इत्‍यादी सारख्‍या विविध माध्‍यमांच्‍या माध्‍यमातून संभाव्‍य ठिकाणांबाबत माहिती गोळा करण्‍यासाठी विविध पद्धती सादर केल्‍या आहेत. याव्‍यतिरिक्‍त एक जबाबदार संस्‍था म्‍हणून डीआयपीए टॉवरच्या फसवणुकीबद्दल जनतेला सावध करण्यासाठी वृत्तपत्रांमध्ये सार्वजनिक सूचना देखील प्रकाशित करत आहे.”

”अखंड कनेक्टिव्हिटी सुनिश्चित करण्यासाठी, विविध महत्त्वपूर्ण सेवांना पाठिंबा देण्यासाठी आणि राज्यांमध्ये दळणवळण राखण्यासाठी मोबाइल टॉवर्स अत्यंत आवश्यक आहेत. मोबाइल टॉवरशी संबंधित फसवणुकीमुळे जनतेला मोठा त्रास सहन करावा लागत आहे. यामुळे एक मजबूत संप्रेषण नेटवर्क तयार करण्याप्रती प्रत्‍यक्ष काम करणार्‍या टीम कर्मचार्‍यांमध्ये विश्‍वासाची कमतरता आणि असुरक्षिततेची भावना निर्माण होत आहे. दूरसंचार उद्योग ग्राहकांना सर्वोत्तम दर्जाची सेवा देण्यासाठी कटिबद्ध आहे. म्हणून, आवश्यक मजबूत पायाभूत सुविधा सादर करण्यासाठी आम्ही डीआयपीएसोबत सहयोग केला आहे. तसेच, ग्राहकांना या फसव्या पद्धतींबद्दल माहिती आहे याची खात्री करण्यासाठी आम्ही विविध व्‍यासपीठांवर सूचना जारी करत आहोत,” असे सीओएआयचे डीजी लेफ्टनंट कर्नल डॉ. एस. पी. कोछर म्‍हणाले.

हेडलाईन व्यतिरीक्त सदर वृत्तातील मजकूर tv9marathi ने संपादीत केलेला नसून उपरोक्त माहिती ही सिंडीकेटेड फीडमधून प्रकाशित करण्यात आली आहे.

Follow Us
नाशिक महापालिकेतील स्वीकृत नगरसेवक निवडीवरून भाजपत वादंग....
Nashik : नाशिक महापालिकेतील स्वीकृत नगरसेवक निवडीवरून भाजपत वादंग; नेमकं काय घडलं?
सरकारने करसवलती दिल्या, आता उद्योजकांनी काय केलं? पंतप्रधान मोदींनी...
PM Modi : सरकारने करसवलती दिल्या, आता उद्योजकांनी काय केलं? पंतप्रधान मोदींनी FICCIच्या व्यासपीठावरून सुनावलं
लग्नसराईत दागिने खरेदी करणाऱ्यांसाठी आनंदाची बातमी; सोन्या-चांदीचे दर
Gold Silver Price Today : लग्नसराईत दागिने खरेदी करणाऱ्यांसाठी आनंदाची बातमी; सोन्या-चांदीचे दर अचानक घसरले...
पाच एकरांतील मोसंबीची बाग जेसीबीने उपटली, दुष्काळापुढे शेतकरी हतबल....
Nagpur : पाच एकरांतील मोसंबीची बाग जेसीबीने उपटली, दुष्काळापुढे शेतकरी हतबल; नागपुरातील विदारक वास्तव आलं समोर
सैराटमधील आर्ची-परश्याच्या गाजलेल्या विहिरीने गाठला तळ; 50 फुटांची....
Solapur : सैराटमधील आर्ची-परश्याच्या गाजलेल्या विहिरीने गाठला तळ; 50 फुटांची विहीर कोरडीठाक सोलापुरातील दुष्काळाचं भीषण वास्तव समोर
व्यापाऱ्यांच्या इशाऱ्यानंतर लक्ष्मी रस्त्यावरील अतिक्रमण कारवाई थांबली
Pune Laxmi Road : व्यापाऱ्यांच्या इशाऱ्यानंतर लक्ष्मी रस्त्यावरील अतिक्रमण कारवाई थांबली; पुणे बंदचा इशारा ठरला प्रभावी
सूचना देऊनही निर्णय वेगळा घेतला; शिवेंद्रराजे भोसले नेमकं काय म्हणाले?
Shivendraraje Bhosale : सातारा जिल्हा बँकेच्या निवडीवरून महायुतीत मतभेद? सूचना देऊनही निर्णय वेगळा घेतला; शिवेंद्रराजे भोसले नेमकं काय म्हणाले?
महाराष्ट्र एपस्टीन फाईल्स चित्रपटाचा वाद कोर्टात; प्रदर्शनही पुढे ढकलल
Maharashtra Epstein Files : महाराष्ट्र एपस्टीन फाईल्स चित्रपटाचा वाद कोर्टात; प्रदर्शनही पुढे ढकललं
सातारा जिल्हा बँकेच्या निवडणुकीवरून महायुतीत नाराजी? बावनकुळेंनी....
Chandrashekhar Bawankule : सातारा जिल्हा बँकेच्या निवडणुकीवरून महायुतीत नाराजी? चंद्रशेखर बावनकुळेंनी स्पष्टच सांगितलं, म्हणाले?
प्रभादेवीतील संत रोहिदास चाळीवरील कारवाई थांबली; एकनाथ शिंदेंच्या....
Prabhadevi : प्रभादेवीतील संत रोहिदास चाळीवरील कारवाई थांबली; उपमुख्यमंत्री एकनाथ शिंदेंच्या मध्यस्थीनंतर रेल्वे प्रशासनाचा निर्णय