दुकानदारावर गोळी झाडणार, तोच चिमुकलीची हाक, ‘बाबा’ ऐकून लुटारुंनी प्लॅन बदलला

दुकानदारावर गोळी झाडून दुकान लुटायचे, असा आपला प्लॅन होता. मात्र आम्ही दुकानात शिरलो, तोच सहा वर्षांची मुलगीही तिथे आली आणि तिने 'बाबा' अशी हाक मारली, असं आरोपींनी सांगितलं.

दुकानदारावर गोळी झाडणार, तोच चिमुकलीची हाक, 'बाबा' ऐकून लुटारुंनी प्लॅन बदलला
फरिदाबाद लूट प्रकरणातील सीसीटीव्ही फूटेज
Follow us
| Updated on: Jun 20, 2021 | 9:25 AM

गुरुग्राम : मनी ट्रान्स्फर करणाऱ्या दुकानदाराचा जीव त्याच्या चिमुकल्या लेकीमुळे वाचला. लूटमार केल्यानंतर त्याची गोळी झाडून हत्या करण्याचा चौघांच्या टोळीचा इरादा होता. मात्र अचानक दुकानात आलेल्या सहा वर्षांच्या चिमुरडीने ‘बाबा’ अशी हाक मारली. त्यामुळे मत परिवर्तन झालेल्या लुटारुंनी आपला प्लॅन बदलला. हरियाणातील फरिदाबाद शहरात घडलेली घटना सीसीटीव्हीत कैद झाली आहे. (Gunmen spare man’s life at shop in Faridabad after 6 years old daughter walks in)

चौघा आरोपींना अटक

फरिदाबादमधील मनी ट्रान्स्फर दुकानात जून महिन्याच्या सुरुवातीला घडलेल्या लूटमार प्रकरणी चौघा आरोपींना अटक करण्यात आली आहे. फरिदाबादचे रहिवासी असलेले सुमीत, मनोहर आणि राजस्थानच्या अजय, सौरव यांना पोलिसांनी दोन दिवसांपूर्वी अटक केली होती. त्यांच्याकडून अवैध शस्त्रास्त्र आणि चोरीच्या बाईकही जप्त करण्यात आल्या आहेत. चौघंही 25 ते 30 वर्ष वयोगटातील आहेत.

चिमुकलीची हाक ‘बाबा’

फरिदाबाद शहरातील संजय कॉलनी परिसरात असलेल्या मनी ट्रान्स्फर दुकानात 9 जून रोजी लूट केल्याची कबुली आरोपींनी चौकशीदरम्यान दिली. दुकानदारावर गोळी झाडून दुकान लुटायचे, असा आपला प्लॅन होता. मात्र आम्ही दुकानात शिरलो, तोच सहा वर्षांची मुलगीही तिथे आली आणि तिने ‘बाबा’ अशी हाक मारली, असं आरोपींनी सांगितलं.

नेमकं काय घडलं?

मुलीला पाहून आम्ही गोळीबाराचा प्लॅन बदलला. ती जाईपर्यंत आम्ही वाट पाहत होतो. त्यानंतर आम्ही तिच्या वडिलांना धमकावलं, पैसे लुटले आणि कोणाचाही जीव न घेताच घटनास्थळावरुन पळालो, अशी माहिती आरोपींनी अटक झाल्यानंतर दिली. सुमीत हा टोळीचा म्होरक्या असून तो इतर सदस्यांना शस्त्र पुरवत असे.

सहा गुन्ह्यांची उकल

आरोपी सौरव पूर्वी ज्या कारखान्यात काम करत होता, त्याच्या मालकाचे अपहरण करण्याचीही आपली योजना होती, असी माहिती आरोपींनी चौकशीदरम्यान दिली. या चौघांच्या अटकेमुळे आतापर्यंत लूट, दरोडे, वाहन चोरी, अवैध शस्त्र अशा जवळपास सहा गुन्ह्यांची उकल झाल्याचं पोलिसांनी सांगितलं. आरोपींना तीन दिवसांची पोलीस कोठडी सुनावली असून पोलीस अधिक तपास करत आहेत.

संबंधित बातम्या :

रॉयल एनफिल्ड शोरूममधील चोरीचा छडा, सराईत चोरट्याला अखेर बेड्या

कुटुंबाचा अवैध शस्त्राचा कारखाना, मुंबईत दहा पिस्तुलांसह 21 वर्षांचा तरुण पोलिसांच्या जाळ्यात

(Gunmen spare man’s life at shop in Faridabad after 6 years old daughter walks in)

Non Stop LIVE Update
तर भाजपात पहिली उडी मारणारे सुनील तटकरे असतील रोहित पवार यांची टीका
तर भाजपात पहिली उडी मारणारे सुनील तटकरे असतील रोहित पवार यांची टीका.
शिवसेनेची पहिली यादी जाहीर, सात विद्यमान खासदारांना पुन्हा संधी
शिवसेनेची पहिली यादी जाहीर, सात विद्यमान खासदारांना पुन्हा संधी.
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत.
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास.
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत.
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?.
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?.
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?.
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा.
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात.