बीएच्या विद्यार्थिनीची हत्या, मृतदेह नाल्याजवळच्या झुडपात, आजोबांच्या मित्रानेच जीव घेतल्याचा संशय

नवी दिल्ली : बीएच्या शेवटच्या वर्षाचे शिक्षण घेणाऱ्या विद्यार्थिनीची हत्या झाल्याची खळबळजनक घटना समोर आली आहे. दिल्लीला लागून असलेल्या, हरियाणातील फरिदाबाद शहरात हा प्रकार घडल्याची माहिती. हत्येनंतर तरुणीचा मृतदेह आग्रा कॅनॉलच्या झुडपात फेकून देण्यात आला होता. धक्कादायक म्हणजे 50 वर्षीय संशयित आरोपी हा तरुणीच्या आजोबांचा मित्र आहे.

काय आहे प्रकरण?

मयत विद्यार्थिनीच्या मावशीने सांगितले की, पीडिता तिच्या आजीच्या घरी जायला निघाली होती, पण ती तिथे न पोहोचल्यामुळे शोधाशोध सुरु झाली. त्याच वेळी आरोपीने मुलीच्या कुटुंबीयांना फोन करुन माहिती दिली. जवळपास आठवड्याभरापासून बेपत्ता असलेल्या तरुणीचा मृतदेह पोलिसांना सातव्या दिवशी नाल्यात सापडला.

तरुणीवर अत्याचार केल्याचा आरोपीचा दावा

मुलीच्या मावशीने सांगितले की, 31 डिसेंबर रोजी तिची भाची फरिदाबादच्या सेक्टर-18 येथून भूपानी गावात तिच्या आजीच्या घरी निघाली होती. ती पोहोचली नाही, मात्र आजीच्या घरी एक फोन आला. हा फोन आरोपीचा होता. आपण मुलीवर अत्याचार करुन तिची हत्या केल्याचे त्याने सांगितले.

पीडितेच्या आजीच्या घरी आजोबांचा मित्र सिंहराजचा फोन आला. 50 वर्षीय संशयित आरोपी सिंहराज हा सुरक्षारक्षक म्हणून काम करतो. पीडितेच्या कॉल रेकॉर्डमध्ये शेवटचा फोन सिंहराजचा असल्यामुळे पोलिसांचा संशय बळावला आहे.

आरोपीचा शोध सुरु

आपण तरुणीसोबत दुष्कृत्य करुन तिची हत्या केल्याचं आरोपीने सांगितलं. त्यानंतर त्याने आपला फोन स्विच ऑफ केला. पोलिसांनी आग्रा कॅनॉलच्या झुडपातून तरुणीचा मृतदेह सापडला. मृतदेह पोस्टमार्टमसाठी पाठवण्यात आला आहे. अपहरण आणि हत्येचा गुन्हा दाखल करुन पोलिसांनी तपास सुरु केला आहेत. पोलिसांना या प्रकरणी पुरावे सापडले असून आरोपीला लवकरच अटक केली जाईल, असं त्यांनी सांगितलं.

संबंधित बातम्या :

पोलीस, हत्या आणि खलबत्ता, मुलीच्या नांदण्यावरुन कल्याणमध्ये जे घडलं त्यावर पोलीस दल हादरलं

रात्री नवरा अचानक घरी, पत्नी प्रियकरासोबत आक्षेपार्ह अवस्थेत, एकही शब्द न बोलता नवऱ्याने…

16 महिन्यांच्या मुलीवर बलात्कार करुन हत्या, सोलापुरात नराधम बापाला अटक, आईचीही साथ