VIDEO : माझ्या बॉयफ्रेंडसोबत का फिरतेस? विक्रोळीच्या सर्व्हिस रोडवर तरुणींची फ्री-स्टाईल हाणामारी, व्हिडीओ व्हायरल
औरंगाबाद येथील एका महिलेने आपल्या पतीला परस्त्रीसोबत फिरताना रंगेहाथ पकल्यानंतर मारहाण केल्याची घटना ताजी असताना मुंबईत देखील तशीच काहिशी घटना घडली आहे.
मुंबई : औरंगाबाद येथील एका महिलेने आपल्या पतीला परस्त्रीसोबत फिरताना रंगेहाथ पकल्यानंतर मारहाण केल्याची घटना ताजी असताना मुंबईत देखील तशीच काहिशी घटना घडली आहे. मुंबईच्या विक्रोळी येथील सर्व्हिस रोडवर दोन तरुणींनी मिळून एका तरुणीला प्रचंड चोप दिल्याचं समोर आलं आहे. संबंधित घटना ही बुधवारी (11 ऑगस्टला) घडली होती. पण तिथे उपस्थित असलेल्या प्रत्यक्षदर्शी काही तरुणांनी ही घटना मोबाईलच्या कॅमेऱ्यात कैद केली. नंतर संबंधित व्हिडीओ सोशल मीडियावर शेअर करण्यात आला. त्यानंतर मुलींच्या फ्री-स्टाईल हाणामारीचा व्हिडीओ सोशल मीडियावर व्हायरल होत आहे.
नेमकं प्रकरण काय?
विक्रोळीच्या पूर्व द्रुतगती मार्गावरील सर्व्हिस रोडवर तीन तरुणींचा फ्री-स्टाईल हाणामारीचा व्हिडिओ सध्या सोशल मीडियावर जोरदार व्हायरल होत आहे. विक्रोळीच्या सर्व्हिस रोडवर नेहमीच संध्याकाळच्या वेळेस प्रेमी युगुलांचा राबता असतो. अशात विक्रोळीतच राहणाऱ्या एका तरुणीने तिच्या मैत्रिणीसोबत येऊन तिच्या बॉयफ्रेंडसोबत फिरणाऱ्या मुलीला त्याठिकाणी गाठलं. तिला माझ्या बॉयफ्रेंडसोबत का फिरतेस? अशी विचारणा करत बेदम चोप देण्यास सुरुवात केली.
व्हिडीओ विक्रोळीत प्रचंड व्हायरल
संबंधित घटना बुधवारी दुपारी घडली. दोन तरुणींनी एका मुलीला अक्षरशः रस्त्यावर लोळवून तिला बेदम मारहाण केली. अखेर त्यांच्याच मैत्रिणींनी मध्यस्थी करुन तिची या दोन तरुणींकडून सुटका केली. या प्रकरणावर पडदा जरी पडला असला तरी काही तरुणांनी या फ्री स्टाईल हाणामारीचा व्हिडिओ मोबाईलवर शूट केला. सध्या विक्रोळीत हा व्हिडिओ जोरदार चर्चेत आहे.
माझं सुरु होतं, तू का मध्ये पडली?
व्हायरल होणाऱ्या व्हिडीओत मुली शिवीगाळ करत तर आहेच पण त्यासोबत काहितरी बोलतानाही दिसत आहेत. तो माझा बॉयफ्रेंड होता. माझं त्याच्यासोबत सुरु होतं. तर तू का मध्ये पडलीस? असा सवाल करत तरुणी दुसऱ्या तरुणीला प्रचंड मारहाण करताना दिसत आहे.
घटनेचा व्हिडीओ बघा :
औरंगाबादेत काय घडलं होतं?
औरंगाबादमध्ये अशीच काहिशी घटना समोर आली होती. पतीच्या वागण्या बोलण्यावर संशय असल्याने पत्नीने पतीवर पाळत ठेवली. पत्नीचा संशय खरा ठरला. तिने पतीचा पाठलाग केला आणि पतीसह मैत्रिणीला पकडलं.. रस्त्यावरून धावत जात पतीच्या प्रेयसीला तिने धू धू धुतलं. या घटनेचाही व्हिडीओ सोशल मीडियावर चांगलाच व्हायरल होतोय.
औरंगाबादमधल्या सिडको परिसरातील गणपती मंदिर परिसरातला हा व्हिडीओ आहे. तिथल्या एका महिलेला आपल्या पतीच्या वागण्या बोलण्यावर संशय होता. त्यामुळे गेल्या अनेक दिवसांपासून ती आपल्या पतीवर पाळत ठेऊन होती. काल पतीवर पाळत ठेऊन तिने त्याचा पाठलाग केला. त्यावेळी पती त्याच्या मैत्रिणीसोबत हॉटेलमध्ये जायला निघाला होता.
दोघांना एकत्र येऊन पाहून महिलेला राग अनावर झाला. तिने पळत जाऊन पतीला आणि त्याच्या मैत्रिणाला धरलं. तिला धू धू धूतलं. तिला शिव्याही घातल्या. एकंदर या सगळ्या प्रकाराचा जाब विचारण्याचा तिने पती आणि त्याच्या मैत्रिणीकडे प्रयत्न केला. यावेळी तिघाही जणांमध्ये झटापट झाल्याचं पाहायला मिळालं.
हेही वाचा :
आमच्या गाडीला कट का मारला? चाकणमध्ये वादात गुंतवून कारमधील 12 लाखांची चोरी
