ठाण्यात वाहतूक पोलिसावर हल्ला, ड्रिंक अँड ड्राईव्हची कारवाई केल्याचा संताप

ठाण्यात वाहतूक पोलिसावर हल्ला, ड्रिंक अँड ड्राईव्हची कारवाई केल्याचा संताप
उल्हासनगरात खिळे असलेल्या दांडक्याने तरुणाला मारहाण
Image Credit source: टीव्ही9

ड्रिंक अँड ड्राईव्हची कारवाई केल्याचा राग मनात धरुन काही वेळाने कारवाई संपल्यानंतर आरोपींनी मागच्या बाजूने पोलिसाच्या डोक्यात वीट मारली. यामध्ये पोलीस जखमी झाला आहे

गणेश थोरात

| Edited By: अनिश बेंद्रे

Mar 19, 2022 | 11:03 AM

ठाणे : ठाण्यात वाहतूक पोलिसावर (Thane Traffic Police) माथेफिरुने हल्ला (Attack) केल्याचा धक्कादायक प्रकार समोर आला आहे. कापूरबावडी वाहतूक पोलीस विभागातील एका पोलिसावर नाकाबंदी दरम्यान हल्ला करण्यात आला. कापूरबावडी ब्रिजखाली ड्रिंक अँड ड्राईव्हची (Drink and Drive) कारवाई सुरु होती. कारवाईचा राग आल्याने वाहतूक विभागाचे पोलीस नागनाथ कांदे यांच्यावर दोघा तरुणांनी हल्ला केल्याचा आरोप आहे. मुख्य आरोपी अनिल गुप्ता याने पोलिसाच्या डोक्यात वीट मारली. या प्रकरणी राबोडी पोलीस स्टेशनमध्ये गुन्हा दाखल करण्यात आला आहे. आरोपींना पोलिसांनी ताब्यात घेतले आहे. अनिल गुप्ता आणि भगीरथ चव्हाण अशी आरोपींची नावं आहेत.

काय आहे प्रकरण?

होळी आणि धुलिवंदनाच्या निमित्त ठाणे शहर वाहतूक विभागाची मद्यपी वाहन चालकांवर दिवसभर कारवाईची विविध ठिकाणी मोहीम सुरु होती. ड्रिंक अँड ड्राईव्हची कारवाई केल्याचा राग मनात धरुन काही वेळाने कारवाई संपल्यानंतर आरोपींनी मागच्या बाजूने पोलिसाच्या डोक्यात वीट मारली.

कारवाई केल्याच्या रागातून हल्ला

कारवाई दरम्यान दोन्ही आरोपींनी मद्य प्राशन केल्याचे आढळले होते. त्यामुळे मुख्य आरोपी अनिल गुप्ता याच्यावर कलम 185 नुसार, तर सहआरोपी भगीरथ चव्हाण याच्यावर 188 नुसार कारवाई करण्यात आली होती. त्यांना शनिवारी न्यायालयात हजर होण्याचे पोलीसांनी आदेश दिले होते. मात्र केलेल्या कारवाईचा राग मनात धरुन वाहतूक पोलिसावर हल्ला करण्यात आला

झालेल्या संपूर्ण प्रकारानंतर सरकारी कामात अडथळा आणल्या प्रकरणी दोघांवर गुन्हा दाखल करण्यात आला आहे.वाहतूक पोलीस हवालदार यांच्यावर जवळच्या खाजगी रुग्णालयात उपचार सुरु आहेत. त्यांची प्रकृती स्थिर असल्याची माहिती आहे.

संबंधित बातम्या :

माथेफिरुच्या हल्ल्यात जखमी विद्यार्थिनीचं शैक्षणिक नुकसान, दहावीच्या परीक्षेला मुकणार

परभणीत अज्ञात कारणावरुन वृद्ध दाम्पत्याची हत्या, एक महिला गंभीर जखमी

कल्याणमध्ये कॉन्ट्रॅक्टर हल्ला प्रकरण, व्यवसायिक वादातून दिली सुपारी, सहा आरोपी ताब्यात

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें