Mumbai Drugs Siezed : मुंबईत 1 कोटी 95 लाख रुपयांच्या चरससह एका आरोपीला अटक
अटक करण्यात आलेल्या आरोपी विजय चौहान हा यूपीतून मुंबईत चरसचा व्यापार करण्यासाठी मुंबईत आला होता. आरोपी दहिसर चेक नाक्याजवळ चरस घेऊन येणार असल्याची माहिती पोलिसांना मिळाली होती. मिळालेल्या माहितनुसार दहिसर पोलिसांनी चेक नाक्याजवळ सापळा रचला.
मुंबई : मुंबईच्या दहिसर पोलिसांनी 1 कोटी 95 लाख 18 हजार किंमतीच्या 6 किलो 560 ग्रॅम चरस (Charas)सह एका आरोपीला अटक (Arrest) केली आहे. विजय चौहान (32) असे अटक करण्यात आलेल्या आरोपीचे नाव असून तो मुंबईतील मालवणी येथे राहतो. सध्या पोलिसांनी आरोपीला अटक केली असून, आरोपीशी आणखी किती लोक संबंधित आहेत ? कधीपासून हा चरसचा व्यवसाय करत होता, याबाबत पोलिस पुढील तपास करीत आहेत. हा आरोपी यूपीच्या कानपूर येथून चरसचा व्यापार करण्यासाठी मुंबईत आले होते. (One accused arrested in Mumbai with charas worth Rs 1 crore 95 lakh)
Maharashtra | Police arrested a drug peddler from the Dahisar area and recovered over 6 kg of charas worth Rs 1.95 crores in the international market. Case registered under NDPS Act, investigation underway: Mumbai Police
— ANI (@ANI) March 13, 2022
पोलिसांनी दहिसर चेकनाक्यावर सापळा रचून आरोपीला अटक केली
अटक करण्यात आलेल्या आरोपी विजय चौहान हा यूपीतून मुंबईत चरसचा व्यापार करण्यासाठी मुंबईत आला होता. आरोपी दहिसर चेक नाक्याजवळ चरस घेऊन येणार असल्याची माहिती पोलिसांना मिळाली होती. मिळालेल्या माहितनुसार दहिसर पोलिसांनी चेक नाक्याजवळ सापळा रचला. आरोपी ठरल्याप्रमाणे चरस घेऊन दहिसर चेक नाक्याजवळ आला असता पोलिसांनी करोडो रुपयांच्या चरससह आरोपीला रंगेहाथ पकडले. पोलिस याप्रकरणी अधिक तपास करीत आहेत. महिनाभरापूर्वी दहिसर परिसरातून दोन ड्रग्ज तस्करांना पोलिसांनी अटक केली होती. त्यांच्याकडून 3 किलोपेक्षा जास्त गांजा जप्त करण्यात आला होता.
मुंबईत याआधीही पोलिसांनी ड्रग्ज जप्त केले
मुंबईत याआधीही अंमली विरोधी पथकाने वडाळा परिसरात कारवाई करत 39 लाख 63 हजार रूपयांचे ड्रग्स जप्त केले होते. याप्रकरणी पोलिसांनी दोन आरोपींना अटक केली होती. आरोपींकडून 1 किलो 321 ग्रॅम चरस जप्त करण्यात आले होते. अटक करण्यात आलेल्या आरोपींपैकी एका आरोपीवर तब्बल 10 गुन्हे दाखल आहेत. इकबाल शेख आणि जहांगीर खान अशी अटक करण्यात आलेल्या आरोपींची नावे आहेत. (One accused arrested in Mumbai with charas worth Rs 1 crore 95 lakh)
इतर बातम्या
गर्भवती महिलेवर बलात्कार करत तिघांची हत्या, ब्रिटनमधील ‘त्या’ नराधमाला जन्मठेप
Pune Crime| पुण्यात तुझ्या-माझ्या लफड्याविषयी’ घरी सांगेन म्हणत अल्पवयीन मुलीला प्रियकरानेच लुटलं
