मुंबईतील फुटपाथवर पेट्रोल डिझेलची अवैध विक्री, पोलिसांकडून पर्दाफाश

मुंबई : मुंबई पोलिसांनी पेट्रोल डिझेल विक्रीच्या रॅकेटचा पदार्फाश केला आहे. यावेळी धारावी आणि मोहिम या ठिकाणी फुटपाथवर एका कंटनेरमध्ये सुरु असलेल्या डिझेल विक्रीचे रॅकेट उद्धवस्त केले आहे. त्यांच्याकडून जवळपास 14 हजार लीटर डिझेल जप्त करण्यात आले आहे. याप्रकरणी एकाला अटक करण्यात आली आहे. (Mumbai Police Destroyed Petrol Diesel Pump racket)

मुंबईच्या फुटपाथवरील फेरीवाले तुम्ही बघितले असतील. पण फुटपाथवर फेरीवाल्यांकडून पेट्रोल पंप चालवला जात आहे. पण मुंबईच्या फुटपाथवर डिझेल विकले जात असल्याची माहिती मुंबई पोलिसांच्या आर्थिक गुन्हे शाखेला मिळाली होती. त्या माहितीनुसार आर्थिक गुन्हे शाखेने धाड़ टाकत त्यांच्यावर कारवाई केली.

राजेंद्र ठाकूर MS वेस्ट केयर (WEST CARE) कंपनीला क्लीन अप कॉन्ट्रॅक्ट महानगरपालिकेकडून देण्यात आलं होतं. यासाठी 150 गाड्या लागणार होत्या. या गाड्यांमध्ये डिझेल भरण्यासाठी चक्क फूटपाथवरच कंटेनर टाकून त्याच्या आतमध्ये डिझेलची टाकी बसवण्यात आली होती.

माहिम आणि धारावी येथील फूटपाथवर जवळपास 150 गाड्यामध्ये या कंटेनरद्वारे डिझेल भरले जात होते. यावर कारवाई करत मुंबई पोलिसांनी 14 हजार लीटर डिझेल जप्त केलं. त्याशिवाय एमएस वेस्ट या कंपनीमध्ये सुपरवायझर म्हणून काम करणाऱ्या राघवेंद्र ठाकूरला अटक केली. या कंपनीचे डायरेक्टर सध्या फरार आहेत. सध्या पोलीस त्याचा शोध घेत आहे.

अधिकृत पेट्रोल पंपवरुनच पेट्रोल-डिझेलची खरेदी 

दरम्यान या प्रकरणानंतर पेट्रोल आणि डिझेल अधिकृत पेट्रोल पंपवरुनच खरेदी करा, असे आवाहन पोलिसांनी केले आहे. कोणीही गैररित्या पेट्रोल किंवा डिझेल भरु नये. जर कोणी असं अनधिकृत काम करत असेल तर अशा लोकांवर कडक कायदेशीर कारवाई केली जाणार आहे, असा इशारा पोलिसांनी दिला आहे. (Mumbai Police Destroyed Petrol Diesel Pump racket)

संबंधित बातम्या : 

तिनं आधी पोर गमावलं, नंतर नवऱ्याचा दंडुक्याचा मार, नंतर जीव, बीडचा खून आरसा दाखवणारा

पोलीस बनले समलैंगिक; 16 तरूण, 3 तरुणींना लूटणारी महिला गजाआड!