सामूहिक बलात्कारानंतर अल्पवयीन मुलीची हत्या, ऊसाच्या शेतात मृतदेह फेकला, पोलिसांकडून प्रियकराला बेड्या
पीलीभीतमध्ये उसाच्या शेतात एका अल्पवयीन मुलीचा मृतदेह संशयास्पद स्थितीत आढळल्याने खळबळ उडाली. पोलिसांनी मृतदेह शवविच्छेदनासाठी पाठवला. त्यानंतर अल्पवयीन मुलीवर सामूहिक बलात्कार झाल्याची दाट शक्यता वर्तवली जात आहे. तर दुसरीकडे पोलिसांनी तरुणीच्या प्रियकराला ताब्यात घेतले आहे.
नवी दिल्ली : उत्तर प्रदेशातील पिलीभीतमध्ये माणुसकीला काळीमा फासणारी घटना उघडकीस आली आहे. पीलीभीतमध्ये उसाच्या शेतात एका अल्पवयीन मुलीचा मृतदेह संशयास्पद स्थितीत आढळल्याने खळबळ उडाली. पोलिसांनी मृतदेह शवविच्छेदनासाठी पाठवला. त्यानंतर अल्पवयीन मुलीवर सामूहिक बलात्कार झाल्याची दाट शक्यता वर्तवली जात आहे. तर दुसरीकडे पोलिसांनी तरुणीच्या प्रियकराला ताब्यात घेतले आहे. पोलिस प्रेमप्रकरणाचा अँगल डोळ्यासमोर ठेऊन तपास करत आहेत.
ही काळीज पिळवटून टाकणारी घटना पीलीभीतमधील बारखेडा भागातील आहे. 16 वर्षांची मुलगी 13 नोव्हेंबर रोजी कोचिंग आणि कॉलेजला गेली होती. नेहमीप्रमाणे ती दुपारपर्यंत परत यायची. मात्र 13 नोव्हेंबर रोजी सायंकाळपर्यंत ती घरी परतली नाही, अशी माहिती मृत मुलीच्या वडिलांनी पोलिसांना दिली. त्यानंतर पोलिसांनी पुढील तपास सुरु केला.
उसाच्या शेतात नग्रावस्थेत मृतदेह आढळला
अल्पवयीन मुलीच्या वडिलांनी सांगितले की, त्यांनी मुलीचा शोध घेतला असता गावातील शेतात कपड्यांशिवाय मृतदेह आढळून आला. शरीरावर खोल जखमेच्या खुणा होत्या. घटनास्थळी मुलीची पुस्तके आणि बॅग पडून होती. तसेच चार रिकाम्या बिअरच्या बाटल्या होत्या. अशा स्थितीत अल्पवयीन मुलीवर सामूहिक बलात्कार झाल्याची दाट शक्यता वर्तविण्यात येत आहे. आरोपीने बलात्कारानंतर खून केल्याच्या चर्चा परिसरात होत आहेत.
जिल्हा पोलिस अधिक्षक काय म्हणाले?
“अल्पवयीन मुलीचा मृतदेह ऊसाच्या शेतात सापडला. मृतदेह पोस्टमॉर्टमसाठी पाठविण्यात आला. कुटुंबीयांच्या तक्रारीवरून गंभीर कलमान्वये गुन्हा दाखल करण्यात आला आहे. या प्रकरणाच्या तपासासाठी चार टीम तयार करण्यात आल्या आहेत. या प्रकरणाचा लवकरच सविस्तर उलगडा होईल”, अशी माहिती पोलीस अधीक्षक दिनेश कुमार यांनी दिली.
शिल्पा शेट्टी राज कुंद्राच्या विरोधात मुंबईत गुन्हा दाखल, कोटींच्या फसवणुकीचा आरोपhttps://t.co/0bs8nfhHIz#ShilpaShetty #Rajkundra
— TV9 Marathi (@TV9Marathi) November 14, 2021
हे ही वाचा :
शिल्पा शेट्टी राज कुंद्राच्या विरोधात मुंबईत गुन्हा दाखल, कोटींच्या फसवणुकीचा आरोप
कंगना विरोधात पुण्यात तक्रार ; बेकायदेशीर कृती प्रतिबंधक कायदा अंतर्गत गुन्हा दाखल करण्याची मागणी
