या सोप्या टिप्स फॉलो करून Digital Marketing मध्ये करा करिअर, लाखोंचा मिळेल पगार
ज्यांना डिजिटल मार्केटिंग म्हणजे काय आणि ते कसे काम करते हे माहित नसेल तर जाणून घ्या. इंटरनेटच्या माध्यमातून कोणत्याही उत्पादनाची जाहिरात करणे म्हणजे डिजिटल मार्केटिंग. आम्ही तुमच्यासोबत काही टिप्स शेअर करत आहोत, ज्यांचे अनुसरण करून तुम्ही या क्षेत्रात करिअर करू शकता.
मुंबई: आजचे युग डिजिटल युग म्हणून ओळखले जाते. जगातील निम्म्याहून अधिक गोष्टी आज डिजिटल स्वरूपात उपलब्ध आहेत. अशा तऱ्हेने आजच्या काळात डिजिटल मार्केटिंगच्या क्षेत्रात करिअर करणे हा अतिशय फायदेशीर पर्याय आहे. ज्यांना डिजिटल मार्केटिंग म्हणजे काय आणि ते कसे काम करते हे माहित नसेल तर जाणून घ्या. इंटरनेटच्या माध्यमातून कोणत्याही उत्पादनाची जाहिरात करणे म्हणजे डिजिटल मार्केटिंग. आम्ही तुमच्यासोबत काही टिप्स शेअर करत आहोत, ज्यांचे अनुसरण करून तुम्ही या क्षेत्रात करिअर करू शकता.
सर्वप्रथम या क्षेत्रातील स्कोपबद्दल बोलायचे झाले तर आजच्या काळात या क्षेत्रात सर्वाधिक स्कोप आहे. आपण डिजिटल मार्केटिंगद्वारे आपलं उत्पादन सहज लोकांपर्यंत पोहचवू शकतो. त्यामुळेच मोठमोठ्या कंपन्या आज चांगल्या पगारावर डिजिटल मार्केटिंगचे ज्ञान असलेल्या लोकांना कामावर घेतायत.
या क्षेत्रातील सोशल नेटवर्किंग साइट्सवरही मार्केटिंग तंत्राचा वापर केला जातो. फेसबुक आणि इतर सोशल मीडिया साइट्सवर दिसणाऱ्या जाहिराती हा त्याचाच एक भाग आहे.
ईमेल मार्केटिंग देखील याचाच एक भाग आहे. ईमेल मार्केटिंग ईमेल पाठवून लोकांना टार्गेट केले जाते यानंतर लोकांच्या प्रतिसादावर लक्ष दिले जाते.
यात आणखी एक गोष्ट आहे, ज्याला आपण ग्रोथ हॅकिंग म्हणतो. यामध्ये कोणताही व्यवसाय चालवण्यासाठी फायनान्सशी संबंधित संकल्पना, कॉस्ट इफेक्टिव्ह मॅनेजमेंट आणि इतर अनेक गोष्टींच्या टिप्स दिल्या जातात.
याव्यतिरिक्त एक गोष्ट आहे, इनबाउंड मार्केटिंग. यामध्ये कोणतीही वस्तू किंवा सेवा खरेदी करण्यापूर्वी कंटेंट क्रिएशनच्या माध्यमातून ग्राहकाला आकर्षित करण्याचा प्रयत्न केला जातो.
डिजिटल मार्केटिंगचा सर्वात महत्वाचा भाग म्हणजे सर्च इंजिन ऑप्टिमायझेशन (एसईओ). या माध्यमातून वेबपेजवर गुगल आणि याहू सारख्या सर्च इंजिनच्या माध्यमातून पेज व्ह्यू वाढवला जातो.
ज्या विद्यार्थ्यांना या क्षेत्रात करिअर करायचे आहे ते बारावी किंवा पदवीनंतर हा कोर्स करू शकतात. हा कोर्स करून तुम्ही कंटेंट मार्केटर, कॉपी रायटर, कन्व्हर्जन रेट ऑप्टिमाइझर वगैरे बनू शकता.
