45 भाषांमध्ये 5 हजार गाणी गाणारी गायिका, पण स्वत:ची गाणी ऐकत नाही, कोण आहे ही गायिका?
बॉलिवूड इंडस्ट्रीमध्ये असे काही कलाकार आहेत, ज्यांनी एकापेक्षा एक हिट गाणी दिली आहे. पण एक अशी गायिका जिने 45 भाषांमध्ये गायली 5000 गाणी. पण तिला तिचीच गाणी ऐकून वाटत नाही. कोण आहे ही गायिका?
बॉलिवूडमधील गाजलेल्या चित्रपटांमध्ये सुभाष घई दिग्दर्शित ‘सौदागर’ या चित्रपटाचं नाव आवर्जून घेतलं जातं. 9 ऑगस्ट 1991 रोजी प्रदर्शित झालेल्या या चित्रपटाने बॉक्स ऑफिसवर मोठं यश मिळवलं. विशेष म्हणजे या चित्रपटातून मनीषा कोईराला आणि विवेक मुशरान या दोन नव्या कलाकारांनी बॉलिवूडमध्ये पदार्पण केलं आणि पुढे दोघांनीही आपली वेगळी ओळख निर्माण केली.
‘सौदागर’ हा दोन कुटुंबांमधील वैर आणि त्यामध्ये फुलणारं प्रेम यावर आधारित चित्रपट होता. चित्रपटात मनीषा कोईराला आणि विवेक मुशरान यांच्यासोबत दिलीप कुमार, राजकुमार, अमरीश पुरी, मुकेश खन्ना, अनुपम खेर आणि जॅकी श्रॉफ यांसारखे दिग्गज कलाकार महत्त्वाच्या भूमिकांमध्ये दिसले.
या चित्रपटाची गाणीही प्रचंड लोकप्रिय ठरली. विशेषतः ‘सौदागर सौदागर’ या गाण्याने प्रेक्षकांच्या मनावर मोठी छाप पाडली. या गाण्यामुळे मनीषा कोईरालाच्या सौंदर्याची आणि अभिनयाचीही मोठ्या प्रमाणावर चर्चा झाली. या चित्रपटानंतर मनीषाला रोमँटिक अभिनेत्री म्हणून विशेष ओळख मिळाली आणि तिच्या करिअरला मोठी चालना मिळाली.
कविता कृष्णमूर्तिंनी सांगितल्या ‘सौदागर’च्या आठवणी
चित्रपटातील लोकप्रिय गाण्यांना आपल्या आवाजाने चार चाँद लावणाऱ्या ज्येष्ठ गायिका कविता कृष्णमूर्ती यांनी ‘सौदागर’च्या आठवणींना उजाळा दिला. त्या म्हणाल्या की, दिलीप कुमार आणि राजकुमार यांची पडद्यावरची पहिली भेट अतिशय हृदयस्पर्शी होती. दोन्ही दिग्गज कलाकारांच्या अभिनयामुळे चित्रपटातील या प्रसंगाला वेगळीच उंची मिळाली. सुभाष घई यांनी हा चित्रपट अतिशय प्रभावीपणे साकारल्याचंही त्यांनी सांगितलं.
कविता कृष्णमूर्ति यांनी स्वतः गायलेली अनेक गाणी लोकप्रिय झाली असली, तरी त्या आपली बहुतेक गाणी स्वतःहून ऐकत नसल्याचं सांगतात. मात्र ‘1942: अ लव्ह स्टोरी’, ‘बॉम्बे’, ‘देवदास’ यांसारख्या चित्रपटांमधील काही गाणी त्यांना विशेष आवडतात. आपल्या आवाजाला मिळालेल्या यशस्वी गाण्यांसाठी त्या स्वतःला भाग्यवान समजतात.
आजही ‘सौदागर’मधील गाणी आणि चित्रपटातील दिग्गज कलाकारांचा अभिनय प्रेक्षकांच्या स्मरणात आहे. दुसरीकडे, मनीषा कोईराला हिनेही पुढील काळात अनेक गाजलेल्या चित्रपटांमध्ये काम करून बॉलिवूडमध्ये आपलं स्थान मजबूत केलं. अलीकडे ती ‘हीरामंडी’ या मालिकेतही दिसली होती. आता तिच्या आगामी प्रोजेक्ट्सची चाहते आतुरतेने वाट पाहत आहेत.
