या चित्रपटापुढे ‘धुरंधर 2’ फेल, फक्त 4 दिवसांमध्ये केली रेकॉर्ड ब्रेक कमाई, 20 कोटी बजेटमध्ये…
फक्त चार दिवसांमध्ये 'धुरंधर 2' चित्रपटापेक्षा या चित्रपटाने जास्त कमाई करत बनवला नवीन रेकॉर्ड. फक्त 20 कोटी बजेटमध्ये केली चारपट अधिक कमाई.
Aadu 3 Box Office: बॉक्स ऑफिसवर सध्या मोठ्या बजेटच्या आणि छोट्या बजेटच्या चित्रपटांमध्ये जोरदार स्पर्धा पाहायला मिळत आहे. ‘धुरंधर 2’ हा चित्रपट गेल्या गुरुवारी प्रदर्शित झाला असून त्याने जगभरात 700 कोटी रुपयांहून अधिक कमाई करत दमदार कामगिरी केली आहे. या चित्रपटात रणवीर सिंह मुख्य भूमिकेत आहे.
मात्र, या बिग बजेट चित्रपटासोबतच प्रदर्शित झालेल्या एका लहान बजेटच्या मल्याळम चित्रपटाने सर्वांचे लक्ष वेधून घेतले आहे. ‘आडू 3’ या कॉमेडी चित्रपटाने बॉक्स ऑफिसवर अनपेक्षितपणे मोठा धमाका केला आहे.
आडू 3 ची धुरंधर 2 ला जोरदार टक्कर
चित्रपटाच्या निर्मात्यांनी सोशल मीडियावर दिलेल्या माहितीनुसार, ‘आडू 3’ ने ओपनिंग वीकेंडमध्ये जगभरात सुमारे 87 कोटी रुपयांची कमाई केली. सोमवारीही चित्रपटाने चांगली कमाई कायम ठेवत एकूण कलेक्शन 90 कोटी रुपयांच्या पुढे नेले आहे. विशेष म्हणजे, या चित्रपटाचे बजेट फक्त 20 कोटी रुपये आहे. त्यामुळे अवघ्या काही दिवसांतच चारपट कमाई करून या चित्रपटाने मोठे यश मिळवले आहे.
केरळमध्ये तर ‘आडू 3’ ने धुरंधर 2 ला मागे टाकत आघाडी घेतली आहे. या चित्रपटात जयसूर्या मुख्य भूमिकेत असून त्याच्यासोबत विनायकन, विजय बाबू आणि सनी वेन यांसारखे कलाकारही झळकले आहेत. चित्रपटाचे दिग्दर्शन मिधुन मैनुएल थॉमस यांनी केले आहे. यामध्ये विनोद आणि फँटसीचा भन्नाट संगम प्रेक्षकांना पाहायला मिळत आहे.
प्रेक्षकांची पसंती
‘आडू 3’ च्या कथानकाला आणि कलाकारांच्या अभिनयाला प्रेक्षकांकडून जोरदार प्रतिसाद मिळत आहे. मोठी स्टारकास्ट आणि प्रचंड बजेट असलेल्या चित्रपटासमोरही एक दमदार कथा आणि मनोरंजन प्रेक्षकांना थिएटरमध्ये खेचू शकते हे या चित्रपटाने सिद्ध करून दाखवले आहे.
जरी ‘धुरंधर 2’ ने जागतिक स्तरावर 700 कोटींचा टप्पा पार केला असला तरी ‘आडू 3’ सारख्या लहान बजेटच्या चित्रपटाने दिलेली टक्कर ही चित्रपटसृष्टीसाठी महत्त्वाची बाब मानली जात आहे. विशेषतः केरळ बॉक्स ऑफिसवर या चित्रपटाने मोठ्या चित्रपटालाही मागे टाकत आपली वेगळी ओळख निर्माण केली आहे.
