Anant-Radhika First Wedding Pics: अनंत-राधिका अडकले लग्नबंधनात, नवविवाहीत जोडप्याचा पहिला फोटो समोर

आशियातील सर्वात श्रीमंत व्यक्ती आणि रिलायन्स इंडस्ट्रीजचे चेअरमन मुकेश अंबानी यांचा धाकटा मुलगा अनंत अंबानी आणि राधिका मर्चंट दोघेही विवाहबंधनात अडकले. मुंबईतील जिओ वर्ल्ड सेंटरमध्ये झालेला हा विवाह अनेक वर्षे स्मरणात राहील. या लग्नाला देशातील आणि जगातील अनेक स्टार्सनी हजेरी लावली होती. काल रात्री या जोडप्याने एकमेकांबरोबर सप्तपदी घेतली. लग्नानंतर नवविवाहीत जोडप्याचा पहिला फोटो समोर आला असून दोघेही एवढं सुंदर आणि खुश दिसत आहेत, की त्यांच्यावरून नजर हटवणं मुश्किल झालं आहे.

अनंत अंबानी आणि राधिका मर्चंट यांच्या लग्नाचे सर्व विधी मध्यरात्री 12.30 च्या दरम्यान पूर्ण झाले. वधू-वरांच्या लुकबद्दल सांगायचं झालं तर अनंत अंबानी लाल रंगाच्या शेरवानीमध्ये होता आणि त्याच्या चेहऱ्यावर आनंद झळकत होता. तर ऑफ व्हाईट रंगाचा लेहंगा आणि त्यावर लाल रंगाने केलेले वर्क यामध्य नववधू राधिका अप्रतिम दिसत होती. लग्नाचा आनंद, उत्सुकता तिच्या चेहऱ्यावरील सुंदर हास्यातून स्पष्टपणे दिसत होती. लग्नासाठी राधिकाने डिझायनर अबू जानी संदीपच्या ‘पनेटर’ कलेक्शनमधील लेहेंगा परिधान केला होता. अंबानी कुटुंबाची धाकटी सून लाल दुपट्ट्यासह पांढऱ्या लेहेंग्यात खूप सुंदर दिसत होती. गुजराती वधूचा लूक तिला खूप शोभत होता.

कस होतं शेड्यूल ?

अनंत अंबानी यांच्या लग्नाच्या शेड्यूलबद्दल सांगायचं झालं तर त्यांच्या लग्नाची वरात दुपारी ३ वाजता जिओ वर्ल्ड सेंटरच्या दिशेने निघाली. यानंतर पाहुण्यांना साफा बांधण्याचा सोहळा पार पडला. त्यानंतर 8 वाजण्याच्या सुमारास अनंत अंबानी आणि राधिका मर्चंट यांना एकमेकांना वरमाला घालण्याचा सोहळा पार पडला. त्यानंतर रात्री 9.30 च्या सुमारास दोघांनी सप्तपदी घेतली.

हे सेलिब्रिटी होते उपस्थित

राधिका-अनंतच्या लग्नाला बॉलिवूड सेलिब्रिटी वर्जून उपस्थित होते. अमिताभ बच्चन व संपूर्ण बच्चन कुटुंब, बादशाह शाहरुख खान, रणबीर कपूर, आलिया भट्ट, विकी कौशल-कतरिना कैफ, दीपिका पडूकोण, रणवीर सिंग, जॅकी श्रॉफ, सलमान खान, अनिल कपूर, माधुरी दीक्षित, प्रियांका चोप्रा, अर्जुन कपूर, अनन्या पांडे, सारा अली खान आणि खुशी कपूर यांसारख्या स्टार्सनी लग्नाला हजेरी लावली होती. सुपरस्टार रजनीकांत, दिग्दर्शक एटली कुमार, धोनी, हार्दिक पांड्या, सचिन तेंडुलकर या क्रिकेटर्सनीही लग्नाला हजेरी लावली होती.

तसेच सॅमसंग इलेक्ट्रॉनिक्सचे सीईओ हान जोंग-ही मुंबईत पोहोचले.  ब्रिटनचे माजी पंतप्रधान टोनी ब्लेअर, आंध्र प्रदेशचे मुख्यमंत्री चंद्राबाबू नायडू, कृषिमंत्री शिवराज सिंह चौहान, उद्धव ठाकरे, आदित्य ठाकरे, उत्तर प्रदेशचे मुख्यमंत्री योगी आदित्यनाथ, तामिळनाडूचे मुख्यमंत्री एम. च्या. स्टॅलिन आणि पश्चिम बंगालच्या मुख्यमंत्री ममता बॅनर्जी यांचाही समावेश होता. त्यांनी लगन्ला उपस्थित राहून नवविवाहीत जोडप्याला शुभेच्छा दिल्या.