सलमान खानच्या एक्स गर्लफ्रेंडला लॉरेन्स बिश्नोईला काय द्यायचाय मेसेज? मोठा खुलासा

Salman Khan: अभिनेता सलमान खान याला सतत धमक्या मिळत आहे. काही दिवसांपूर्वी भाईजानचे खास मित्र आणि ज्येष्ठ नेते बाबा सिद्दीकी यांची गोळ्या झाडून हत्या करण्यात आली. बाबा सिद्दीकी यांच्या निधनानंतर सलमान खानच्या सुरक्षेत देखील मोठी वाढ करण्यात आली आहे. कारण सिद्दीकी यांच्या हत्येनंतर गुंड लॉरेन्स बिश्नोई याच्या निशाण्यावर सलमान खान आहे. सर्वत्र सलमान खान याची चर्चा रंगलेली असताना एक्स गर्लफ्रेंड सोमी अली हिने लॉरेन्स याच्यासोबत झूम कॉलवर संवाद व्हावा अशी मागणी केली होती. सोशल मीडियावर एक पोस्ट अभिनेत्रीने शेअर केली होती. पण त्यानंतर सोमीने पोल्ट डिलिट केली.

आता सोमी अली खुलासा केला आहे की, तिला लॉरेन्ससोबत नक्की काय बोलायचं आहे. नुकताच झालेल्या एका मुलाखतीत अभिनेत्री म्हणाली, ‘सलमान खान याला सतत मिळत असलेल्या धमक्यांमुळे मला चिंता वाटत आहे. त्यामुळे शांतपणे मला लॉरेन्ससोबत बोलायचं आहे. 90 च्या दशकापेक्षा आजची फिल्म इंडस्ट्री प्रचंड वेगळी आहे. पण सुरक्षा कायम चिंताचा विषय राहिला आहे.’

View this post on Instagram

A post shared by Salman Khan (@beingsalmankhan)

‘विशेषतः महिलांसाठी सुरक्षा हा मुद्दा कायम महत्त्वाचा राहिला आहे. मला कधी समोरुन धमकी कोणी दिली नाही. पण असे अनेक प्रसंग आले ज्यामुळे मला असहज वाटू लागलं..’ असं देखील सोमी अली म्हणाली.

अशाच एका घटनेचा संदर्भ देत सोमी म्हणाली- मार्च 1993 मध्ये मी आणि श्रीदेवी मुंबईतील सीरॉक हॉटेलमध्ये थांबलो होतो. आम्ही तेथून एका आठवड्यामध्ये निघालो. काही दिवस आणि आठवडाभरानंतर हॉटेलला लक्ष्य करण्यात आले. यानंतर मी पूर्णपणे घाबरलं.

सोमी अली आणि सलमान खान

सलमान खान याने अनेक अभिनेत्रींना डेट केलं आहे. सलमान खान याच्या गर्लफ्रेंड्सच्या यादीमध्ये अभिनेत्री सोमी अली हिचं देखील नाव आहे. पण सोमी – सलमान यांचं नातं फार काळ टिकलं नाही. सोमी अली हिला डेट करत असताना सलमान खान याच्या आयुष्यात अभिनेत्री ऐश्वर्या राय हिची एन्ट्री झाली.

रिपोर्टनुसार, सलमान – सोमी यांनी अनेक वर्ष एकमेकांना डेट केलं. ‘बुलंद’ सिनेमात दोघांनी एकत्र काम देखील केलं. 1999 मध्ये दोघांचं ब्रेकअप झालं. सलमान खान याच्यासोबत ब्रेकअप झाल्यानंतर सोमीने भारत सोडून निघून गेली.