कुटुंबियांच्या विरोधात मुस्लीम पुरुषाशी लग्न, आजही प्रसिद्ध गायिकेला होतोय पश्चाताप
Married Life: प्रसिद्ध गायिकेने कुटुंबियांच्या विरोधात थाटला मुस्लीम पुरुषाशी संसार, सासरच्या मंडळींसोबत मतभेद, घटस्फोटानंतर असं आयुष्य जगते गायिका.... गायिका कायम खासगी आणि प्रोफेशनल आयुष्यामुळे असते चर्चेत...
झगमगत्या विश्वात अशा अनेक महिला सेलिब्रिटी आहेत, ज्यांनी कुटुंबियांच्या विरोधात जात संसार थाटला. लग्नानंतर काही महिला सेलिब्रिटी आनंदी वैवाहिक आयुष्य जगत आहेत. तर काहींच्या वाट्याला मात्र दुःख आलं. ज्यामुळे कुटुंबियांच्या विरोधात जावून लग्न केल्याचा पश्चातापाचा सामना करावा लागला. अशाच महिला सेलिब्रिटींपैकी एक म्हणजे बॉलिवूडची प्रसिद्ध आणि लोकप्रिय गायिका सुनिधी चौहान… आज सुनिधी चौहान हिला कोणत्याच ओळखीची गरज नाही. पण गायिकेने खासगी आयुष्यात अनेक संकटांचा सामना केला आहे.
सुनिधी चौहान हिने 1996 मध्ये ‘दूरदर्शन’वरील ‘मेरी आवाज सुनो’ या सिंगिंग शोमधून करियरची सुरुवात केली. सुनिधीने शोच्या ट्रॉफीवर स्वतःचं नाव देखील कोरलं. वयाच्या अवघ्या 12 व्या वर्षी सुनिधी हिने करियरची सुरुवात केली. गायिकेला पहिला ब्रेक 1999 साली प्रदर्शित झालेल्या ‘मस्त’ सिनेमातील ‘रुकी रुकी सी जिंदगी’ या गाण्यातून मिळाला.
बॉलिवूडमध्ये ब्रेक मिळाल्यानंतर सुनिधीने कधीच मागे वळून पाहिलं नाही. गायिकेने एकापेक्षा एक गाणी गायली आणि चाहत्यांचं मनोरंजन केलं. सुनिधीला प्रोफेशनल आयुष्यात यश मिळालं. पण खासगी आयुष्यात सुनिघीला अनेक चढ-उतारांचा सामना करावा लागला…
वयाच्या 18 व्या वर्षी सुनिधी चौहान हिने कोरियोग्राफर आणि दिग्दर्शक बॉबी खान याच्यासोबत लग्न केलं. रिपोर्टनुसार, बॉबी खान आणि सुनिधी चैहान यांच्या लग्नाचा गायिकेच्या कुटुंबियांकडून विरोध होता. पण सुनिधीने कुटुंबियांच्या विरोधात जावून 2002 मध्ये बॉबी याच्यासोबत लग्न केलं. लग्नानंतर देखील सुनिधीच्या कुटुंबियांनी तिची स्वीकार केला नाही. तर सासरच्या मंडळींसोबत देखील सुनिधीचे वाद होण्यास सुरुवात झाली.
लग्नानंतर सुनिधी आणि बॉबी यांच्यामध्ये सतत वाद होऊ लागले. अशात बॉबीने घटस्फोटाचा निर्णय घेतला. बॉबी याच्यासोबत घटस्फोट झाल्यानंतर सुनिधी हिने 2012 मध्ये खास मित्र हितेश सोनिक याच्यासोबत लग्न केलं. सुनिधी आणि हितेश यांना एक मुलगा देखील आहे. आता सुनिधी दुसरा पती आणि मुलासोबत आनंदी आयुष्य जगत आहेत.
सुनिधी हिच्या चाहत्यांची संख्या फार मोठी आहे. बॉलिवूडच्या अनेक सिनेमांसाठी सुनिधी हिने आवाज दिला आहे. सोशल मीडियावर देखील सुनिधी कायम सक्रिय असते. चाहत्यांच्या संपर्कात राहण्यासाठी सुनिधी कायम स्वतःचे फोटो आणि व्हिडीओ सोशल मीडियावर पोस्ट करत असते.
