AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

‘क्रू’ची पहिल्याच दिवशी जबरदस्त कमाई; IMDb वर मिळाली तब्बल इतकी रेटिंग

करीना कपूर, तब्बू आणि क्रिती सनॉन या तिघींच्या मुख्य भूमिका असलेला 'क्रू' हा चित्रपट नुकताच थिएटरमध्ये प्रदर्शित झाला. पहिल्याच दिवशी या चित्रपटाने चांगली कमाई केली असून प्रेक्षक-समिक्षकांकडून चित्रपटाला सकारात्मक प्रतिसाद मिळत आहे.

'क्रू'ची पहिल्याच दिवशी जबरदस्त कमाई; IMDb वर मिळाली तब्बल इतकी रेटिंग
तब्बू, करीना कपूर, क्रिती सनॉनImage Credit source: Instagram
| Updated on: Mar 30, 2024 | 10:41 AM
Share

अभिनेत्री करीना कपूर खान, तब्बू आणि क्रिती सनॉन यांच्या मुख्य भूमिका असलेला ‘क्रू’ हा चित्रपट नुकताच थिएटरमध्ये प्रदर्शित झाला आहे. या चित्रपटाचा टीझर आणि ट्रेलर प्रदर्शित झाल्यापासूनच त्याबद्दल प्रेक्षकांमध्ये उत्सुकता निर्माण झाली होती. म्हणून ‘क्रू’ची अॅडव्हान्स बुकिंगसुद्धा चांगली झाली आहे. शुक्रवारी चित्रपट प्रदर्शित झाल्यानंतर प्रेक्षक-समिक्षकांकडून त्याला सकारात्मक प्रतिसाद मिळाला. सोशल मीडियावर अनेकांनी चित्रपटाबद्दल चांगले रिव्ह्यू लिहिले आहेत. अशातच या चित्रपटाने पहिल्याच दिवशी जबरदस्त कमाई केली आहे.

‘क्रू’ हा या वर्षातील बहुप्रतिक्षित चित्रपट होता. या कॉमेडी ड्रामामध्ये करीना, तब्बू आणि क्रिती यांनी एअर होस्टेसच्या भूमिका साकारल्या आहेत. या तिघींच्या अभिनयाने प्रेक्षकांची मनं जिंकली आहेत. या चित्रपटाने शुक्रवारी पहिल्या दिवशी 8.20 कोटी रुपयांचा गल्ला जमवला आहे. बऱ्याच समिक्षकांनी ‘क्रू’ला तीन आणि त्यापेक्षा जास्त स्टार्स दिले आहेत. त्यामुळे सकारात्मक रिव्ह्यूचा परिणाम पुढे बॉक्स ऑफिस कलेक्शनवरही होऊ शकतो. IMDb वरही या चित्रपटाला चांगली रेटिंग मिळाली आहे. प्रेक्षकांनी IMDb वर या चित्रपटाला 10 पैकी 9.4 रेटिंग दिली आहे.

लाँग वीकेंडचा फायदा उचलत निर्मात्यांनी ‘क्रू’ हा चित्रपट प्रदर्शित केला. त्याचाच पूर्ण फायदा चित्रपटाच्या कमाईला झाला आहे. शुक्रवारी ‘गुड फ्रायडे’ची सुट्टी होती. त्यामुळे पहिल्याच दिवशी प्रेक्षकांनी थिएटरमध्ये चांगली गर्दी केली होती. शनिवारी आणि रविवारीसुद्धा चित्रपटाच्या कमाईत आणखी वाढ होईल, अशी अपेक्षा आहे. या चित्रपटाचा बजेट जवळपास 40 ते 50 कोटी रुपयांचा असल्याचं कळतंय. त्यामुळे ही रक्कम अवघ्या काही दिवसांत भरून निघेल, असं दिसतंय.

‘क्रू’ या चित्रपटात तीन एअरहोस्टेसची कहाणी दाखवण्यात आली आहे, ज्या दिवाळखोरीत निघालेल्या एअरलाइन कंपनीत काम करत असतात. या तिघी जणी त्यांच्या वैयक्तिक आयुष्यात विविध समस्यांमध्ये अडकल्या आहेत. अशातच एअरलाइन कंपनीत काम करूनही त्यांना पगार वेळेवर मिळत नाहीये. परिस्थिती जेव्हा या तिघींना चुकीचं काम करायला भाग पाडते, तेव्हा कथेत रंजक वळण येतं.

‘क्रू’ या चित्रपटात तब्बू, करीना आणि क्रिती सनॉनशिवाय दिलजीत दोसांझ, कॉमेडियन कपिल शर्मा, शाश्वता चॅटर्जी, राजेश शर्मा आणि कुलभूषण खरबंदा यांच्याही भूमिका आहेत. बालाजी टेलीफिल्म्स आणि अनिल कपूर फिल्म अँड कम्युनिकेशन्स नेटवर्कने या चित्रपटाची निर्मिती केली आहे. तर ‘लुटकेस’ फेम दिग्दर्शक राजेश ए. कृष्णन या चित्रपटाचं दिग्दर्शन केलं आहे.

Follow Us
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत