Dhurandhar 3: ‘धुरंधर 2’मधून चाहत्यांना मिळाली मोठी हिंट; 3 महिन्यांनंतर पुन्हा होणार धमाका, तारीख आली समोर

Dhurandhar 3: मोठ्या पडद्यावर कोणता नवीन सिनेमा प्रदर्शित होतो, याच प्रतीक्षेत चाहते असतात… अखेर ‘धुरंधर’ सिनेमा प्रदर्शित झाला आणि चाहत्यांचा उत्साह शिगेला पोहोचला… ‘धुरंधर’ सिनेमाचा सिक्वल पार्ट 19 मार्च रोजी प्रदर्शित झाला. तर ‘धुरंधर’ सिनेमा डिसेंबर 2025 मध्ये प्रदर्शित झाला. सिनेमाच्या कथेपासून सिनेमाच्या स्टार कास्टपर्यंत प्रेक्षकांनी सर्वांना डोक्यावर घेतलं. ‘धुरंधर’ सिनेमा प्रदर्शित झाल्यानंतर प्रेक्षकांना प्रतिक्षा होती, सिनेमाच्या दुसऱ्या भागाची, अशात ‘धुरंधर 2’ प्रदर्शित झाल्यापासून सर्वच स्तरातून सिनेमाचं कौतुक होत आहे… ‘धुरंधर 2’ चर्चेत असताना आणि सिनेमाच्या तिसऱ्या भागाची देखील चर्चा जोर धरु लागली आहे.

अभिनेता रणवीर सिंग स्टारर ‘धुरंधर 2’ सिनेमाने प्रदर्शनानंतर बॉक्स ऑफिसवर धुमाकूळ घातला आहे… तर दुसरीकडे सिनेमाच्या पोस्ट – क्रेडिट सीनने नव्या चर्चांना जन्म दिला आहे… सोशल मीडियावर सिनेमाच्या नवीन बाजू समोर येत आहेत… ज्यामध्ये तिसऱ्या भागाच्या चर्चांनी देखील जोर धरला आहे… सोशल मीडियावर करण्यात आलेल्या दाव्यानुसार ‘धुरंधर 3’ सिनेमा 14 जून रोजी प्रदर्शित होणार आहे… ज्यामुळे चाहत्यांचा आनंद गगनात मावेनासा झाला आहे.

पोस्ट – क्रेडिट सीन व्हायरल

‘धुरंधर 2’ सिनेमात एक नाही तर, असे दोन पोस्ट – क्रेडिट सीन आहेत, जे पुढच्या कथेच्या दिशेने इशारा देत आहेत. याच कारणामुळे सिनेमाच्या तिसऱ्या भागाच्या चर्चांनी जोर धरलेला आहे… तिसऱ्या भागाबद्दल चाहत्यांनी तर वेगवेगळ्या थ्योरी बनवण्यास देखील सुरुवात केली आहे.

काय आहे पोस्टचं सत्य

रिपोर्टनुसार, सोशल मीडियावर करण्यात आलेल्या दाव्याबद्दल कोणतीच अधिकृत माहिती समोर आलेली नाही… म्हणजे निर्मात्यांकडून ‘धुरंधर 3’ सिनेमाबद्दल कोणतीच अधिकृत घोषणा करण्यात आलेली नाही. सिनेमाच्या शेवटी दिसणारे पोस्ट-क्रेडिट्स सीन म्हणजे कथेच्या पुढील भागाचे संकेत देण्यात आलेत… आता याबद्दल मेकर्स काय निर्णय घेतली पाहणं महत्त्वाचं ठरणार आहे.

‘धुरंधर 2’ सिनेमाचं बॉक्स ऑफिस कलेक्शन

‘धुरंधर’ सिनेमाने देशात बॉक्स ऑफिसवर 1 हजार कोटींपेक्षा अधिक कमाई केली, तर जगभरात सिनेमाने 1 हजार 300 कोटींवर मजल मारली. आता ‘धुरंधर 2’ सिनेमाचा सर्वत्र बोलबाला दिसत आहे… सिनेमाने चार दिवसांतच देशात 442.72 कोटी तर, जगभरात 500 कोटींचा टप्पा गाढला आहे. आता सिनेमा येत्या दिवसांत किती कोटींची कमाई करेल पाहणं महत्त्वाचं ठरणार आहे…