रजनीकांत स्टारर ‘जेलर’ मधील अभिनेता पोलिसांच्या ताब्यात, दारूच्या नशेत विमानतळावर गोंधळ

झगमगत्या विश्वातून एक धक्कादायक बातमी समोर येत आहे. सुपरस्टार रजनीकांत यांसारख्या दिग्गज अभिनेत्यासोबत काम केलेल्या अभिनेत्याला पोलिसांनी ताब्यात घेतलं आहे. दाक्षिणात्य अभिनेता विनायकन टीके याने मद्यधुंद अवस्थेत विमानतळावर गोंधळ घातल्याची माहिती सध्ये समोर येत आहे. घटनेची माहिती मिळताच पोलिसांना अभिनेत्याला अटक केली आहे. सांगायचं झालं तर, अभिनेता विनायकन टीके याने रजनीकांत यांच्या ‘जेलर’ सिनेमात खलनायकाच्या भूमिका न्याय दिलं.

विमानतळावर विनायकन टीके याची सीआयएसएफ यांच्यासोबत देखील वाद झाले. वाद वाढल्यानंतर अभिनेत्याला राजीव गांधी आंतरराष्ट्रीय विमानतळ येथून अटक केली आहे. अटक केल्यानंतर अभिनेत्याला पोलिसांकडे सोपावण्यात आलं. आता याप्रकरणी पुढे काय होत? या प्रतीक्षेत प्रत्येक जण आहे. याप्रकरणी आता पुढील कारवाई हैदराबाद पोलीस करणार आहे.

मद्यधुंद अवस्थेत विमानतळावर गोंधळ घातल्याप्रकरणी पोलिसांनी विनायकन टीकेविरोधात गुन्हा दाखल केला आहे. अभिनेत्याला पोलिस ठाण्यात नेण्यात आलं आहे. याप्रकरणी त्याची कसून चौकशी केली जाईल. त्यानंतर पोलीस पुढील कारवाई करतील.

विमानतळासारख्या सार्वजनिक ठिकाणी विनायकन टीके याच्यामुळे निर्माण झालेल्या गोंधळामुळे आजूबाजूला उपस्थित असलेले लोकही हैराण झाले. प्रकरण अधिक वाढू नये म्हणून सीआयएसएफने विमानतळावरच त्याला ताब्यात घेतले. यानंतर अभिनेत्याला पोलिसांच्या ताब्यात देण्यात आले.

विनायकन टीके याच्या सिनेमांबद्दल सांगायचं झालं तर, ‘जेलर’ सिनेमात अभिनेत्याने खलनायकाची भूमिका साकारली होती. सिनेमात अभिनेता स्मगलरच्या भूमिकेत दिसला. विनायक याने 1995 साली प्रदर्शित झालेल्या ‘मांथ्रिकम’ सिनेमातून अभिनयाची सुरुवात केली. अभिनेत्याने अनेक सिनेमांमध्ये महत्त्वाची भूमिका साकारत चाहत्यांचं मनोरंजन केलं. अभिनेत्याला अनेक पुरस्कारांनी देखील सन्मानित करण्यात आलं आहे. विनायकन फक्त अभिनेता नााही तर, गायक आणि म्यझिक कंपोजर देखील आहे.